VOV4.Jarai-Pơhiăp [ơi mông jơnum khua mua amăng kơnuk kơna kơ bruă pơhlôm, pơgang klin Covid 19 mơguah lơ 11/9, ơi Nguyễn Xuân Phúc Khua dêh ]ar lăi, klin ră anai dưi pơgang laih jăng jai.

Khua dêh ]ar git gai mông jơnum lăng nao rai amăng tivi kơ bruă

pơhlôm pơgang klin Covid 19

Klâo blan do\ glăi yom biă mă hăng Việt Nam pioh ngă tui dua bruă pơtrun sa amăng ple\, kiăng dưi pơhrui glăi 3%.

Tui hăng anun, Khua dêh ]ar pơtrun hiăp r^m ]ô mơnuih [on sang hăng anom bruă s^ mơdrô khom pơsit bruă mă kah tơđar phrâo.

Djop ding jum, anom bruă, djop tơring ]ar khom ngă gêh gal kơ mơnuih [on sang s^ mơdrô, rô nao rai, anăm ngă kaih, gun ôh.

Kom mơtam bruă pơgăn jơlan, kom arăng s^ mơdrô, kơnong pơhlôm pơgang klin đô] [u pơtrut ôh tơlơi bơwih [ong huă, s^ mơdrô.

Khua dêh ]ar bơni kơ 15 boh tơring ]ar, amăng anun hơmâo [on prong Đà Nẵng, tơring ]ar Quảng Nam, Hải Dương hăng lu tơring ]ar pơko\n, ngă hrom tu\ yua hăng anom bruă ia jrao kơ bruă pơhlôm, pơgang klin.

Khua dêh ]ar pơtrun hiăp kơ anom bruă ia jrao djop tơring ]ar khom prăp lui hơdră mă bruă, bong glăi hăng tơlơi truh sat hloh klin kheng ngă amăng tơring ]ar, boh nik `u djop sang pơkă lăng hăng pơjrao duăm ruă, djop anom pơkra ming gơnam s^ mơdrô, djop anih plơi pla mơnuih [on sang do\.

Nay Jek: Pơblang