VOV4.Jarai-Khua dêh čar hơmâo ngă hră pơtrut mrô 1163/QĐ-TTg pơsit hĭ bruă mă sĭ mơdrô amăng dêh čar truh thun 2030, lăng nao pơ anăp adih truh thun 2045. Tơhnal pơtrun kơ bruă mă pơđĭ kyar sĭ mơdrô amăng dêh čar, ngă tui hơdră phrâo, thâo rơgơi, pơđĭ kyar hăng hơđong kjăp, jing atur kơ anŏ kơnang kjăp pơkra ming, sĭ mơdrô jai hrơi bơblih phrâo, pơđĭ kyar; čih pơkra anăn sĭ mơdrô gơnam tam Việt Nam, pơgang anŏ tŭ yua kơ mơnuih blơi yua, anom sĭ mơdrô, sĭ mơdrô amăng dêh čar hăng bơwih ƀong huă lăp djơ̆ hăng tơlơi kiăng bơwih ƀong huă mơnuih mơnam, ngă gêh găl kjăp atur ngă hrom jar kmar laih anun amăng kual.

Tơhan pơkă mơ̆ng thun 2021-2030: Hnong pơđĭ kyar sĭ mơdrô dưi ngă djop mơ̆ng 9-9,5% sa thun, truh thun 2030 đĭ mơ̆ng 15-15,5% kơ GDP amăng dêh čar, prăk pơhrui glăi sĭ mơdrô amăng điện tử mơ̆ng 10,5-11% rơnoh sĭ mơdrô raih daih gơnam sĭ mơdrô hăng bơwih bơwăng, blơi yua, dưi ngă djơ̆ tơhnal pơđĭ kyar mơ̆ng 20-21% sa thun./.

Nay Jek: Pơblang