VOV4.Jarai-Khau dêh čar ơi Phạm Minh Chính phrâo kĭ hră kông điên kơ bruă kơtưn pơhlôm, pơgang klin Covid 19, ĕp lăng tong ten kman phrâo pơblih drơi Omicron mơ̆ng kman Sars-cov-2. Ră anai amăng dêh čar ta, mah aka ƀu ƀuh kman phrâo Omicron ƀă ôh samơ̆ mrô mơnuih ƀă klin hăng mrô mơnuih duăm kraih ăt dŏ lu, mơnuih djai hơmâo na nao laih anun anom bruă ia jrao djop tơring čar kơniă laih.

Ƀơi anăp kơ tơlơi anai hăng hŭi kman Omicron ƀă rai ƀơi dêh čar ta, Khua dêh čar pơtrun hiăp Ding jum ia jrao khom sem lăng tong ten klin kheng ƀă hyu amăng rŏng lŏn tơnah, tañ pơtô brơi hơdră pel ĕp hăng pơgang klin  djơ̆ lăp hăng tơlơi pơhing, anăm lui kman Omicron ƀă amăng dêh čar ta. Djop ding jum, anom bruă, jơnum min mơnuih ƀôn sang djop tơring čar, ƀôn prong kơtưn git gai hơdôm hơdră pơhlôm, pơgang klin.

Nay Jek: Pơblang