VOV4.Jarai - Khua dêh čar ơi Phạm Minh Chính phrâo rơkâo Ding jum ia jrao git gai, gum hrŏm hăng hơdôm anom bruă bơdjơ̆ nao hăng Jơnum min mơnuih ƀon sang tơring čar Thanh Hoá ječ ameč pel ĕp, ngă rơđah kơ bruă, lăng glăi tong ten kơ tơlơi truh sat tơdơi kơ tlâ̆o vaccine Covid-19 ƀơi Thanh Hoá. Tơlơi truh sat ƀuh ƀơi Kông ti TNHH pơkra tơkhŏ Kim Việt, tơring glông Nông Cống, tơring čar Thanh Hoá lơ 23/11/2021, ngă kơ 4 čô mơnuih djai tơdơi kơ tlâ̆o vaccine pơgang klin Covid-19. KHua dêh čar ta rơkâo anom bruă bơdjơ̆ nao pel ĕp ngă rơđah kơ bruă anai, sem lăng yua hơget hơmâo tơlơi truh sat anai, anăm brơi ƀuh dong tah, lăi pơthâo Khua dêh čar hlâo kơ lơ 30/11. Khua dêh čar rơkâo Ding jum ia jrao gum hrŏm kjăp hăng djop ding jum, gơnong bruă, gong gai ƀon lan hluai tui bruă jao pơhlôm djop gơnam tam măi mok kiăng kơ djă pioh vaccine pơgang klin Covid-19 djơ̆ hăng tơlơi pơkă, gơgrong pơphun tlâ̆o vaccine pơgang klin Covid-19 rơnuk rơnuk, lăp djơ̆, klă hloh amăng đơ đam dêh čar.

Siu Đoan: Pơblang