VOV4.Jarai - Mơguah lơ 26/3, amăng jơnum pơtô hrăm kơ bruă tlâ̆o ia jrao vaccine pơgang klin Covid-19, Khua ding jum ia jrao ơi Nguyễn Thanh Long brơi thâo, amăng hrơi blan laih rơgao, dêh čar ta pơgang klă klin amăng hrơi blan hơđuh đĭ tal 3. Klin hơđut đĭ tal 3 mơ̆ kơtang hloh ƀơi Hải Dương, truh ră anai ăt hơmâo sa, dua čô mơnuih dŏ ƀă klin mơn lơ̆m dêh čar ta ba pơčlah, pel ĕp samơ̆ ăt dŏ sa, dua ƀon lan aka ƀu ngă tui khăt khăt.

Samơ̆, khua ding jum ia jrao ăt bơngŏt yua kơ hŭi klin Covid-19 amra hơđuh đĭ tal 4 dong amăng dêh čar ta, yua amăng hrơi blan anai hơdôm dêh čar amăng kual klin glăk lar hyu hăng ngă tơnap tap amăng pơgang. Yua anun, Ding jum ia jrao rơkâo djop ƀon lan ngă tui khut khăt amăng bruă pơgang klin tui tơlơi git gai mơng Kơnuk kơna, Khua dêh čart, Khul git gai dêh čar kơ bruă pơgang klin Covid-19, tơlơi črâo trun mơng Ding jum ia jrao amăng pơčrăng lăng, pel ĕp, pơčlah hăng pơjrao.

Siu Đoan: Pơblang