VOV4.Jarai - Hrơi anai lơ 29/4, Anom git gai Pơplih tơlơi phiăn gơnong dlông jơnum pơtong glăi bruă ngă tui Tơlơi pơtrun 549 mơng Khua dêh čar thun 2013 pơsit kơčăo bruă “Man pơdong Sang hră Đại học Luật Hà Nội hăng Sang hră Đại Học Luật ƀon prong Hồ Chí Minh jing sang hră phun pơtô ƀing khua mua kơ tơlơi phiăn dêh čar” hăng Tơlơi pơsit mrô 2083 mơng Khua dêh čar thun 2013 pơsit Kơčăo bruă “Man pơdong Sang hră Tư pháp jing anih prong pơtô pơsit anăn bruă mă gah tơlơi phiăn”. Hlâo kơ anun, tlam lơ 28/4, Khua mir sir ơi Nguyễn Xuân Phúc, Khua anom git gai pơplih Tơlơi phiăn kơnuk kơna hơmâo git gai jơnum lăi nao kơ tơlơi anai. Ƀơi mông jơnum anai, khua mua sa, dua anom bruă hăng hơdôm boh sang hră lăi nao kiăng hơmâo anih anom, prăk tuh pơ alin hăng rơkâo ngă kơčăo bruă tui Tơlơi pơtrun 549 hăng 2083 mơng Khua dêh čar. Khua git git dua boh sang hră gưl prong pơtô tơlơi phiăn ăt čang rơmang kơnuk kơna pơgôp hiăp kơ bruă čih pơkra jơlan hơdră. Pơhiăp ƀơi mông jơnum, Khua mir sir bơni biă kơ hơdôm boh sang hră gir ngă kơčăo bruă tui tơlơi pơtrun mrô 549 hăng 2083 amăng thun blan rơgao. Mrô mơnuih hrăm hăng anŏ klă hơmâo pơđĭ tui, jing hơdôm anom bruă pơtô hmư̆ hing amăng dêh čar ta.

Siu H’Mai: Pơblang