VOV4.Jarai -  Ơi Trần Hồng Tiến, Khua git gai Ping gah tơring glông Krông Pač, tơring čar Daklak brơi thâo: tơring glông phrâo čih hmâo sa čô mơnuih lĕ khua tơring kual Phước An ƀă kơman Covid-19. Anun lĕ ơi N.V.H, Khua git gai Ping gah tơring kual Phước An. Rơgao kơ pel ĕp klin ruă, amăng rơwang mơng lơ 6 truh kơ lơ 12/10, ơi H. hyu pơ̆ lu anih anom hăng bưp lu mơnuih.

Tơdơi kơ ơi H. hmâo bôh tơhnal pơčrang ƀă kơman klin, ƀirô gơgrong bruă hmâo hyu huĕt ĕp hăng hmâo pơsit rơbêh kơ 50 čô mơnuih F1. Amăng anun, biă ñu lĕ mơnuih apăn bruă, mơnuih mă bruă čar mơng tơring kual Phước An hăng mơnuih apăn bruă tơring glông Krông Pač. Bôh tơhnal test tañ hăng pơčrang lăng hăng hơdră Realtime RT-PCR mơng rơbêh kơ 50 čô mơnuih F1 bơdjơ̆ nao ơi H. leng kơ ƀu ƀuh kơman Sars-CoV-2 ôh. Hơdôm mơnuih anai ră anai glăi dô̆ čơlah ƀơi anih mă bruă kiăng pơhlôm hluh gah bruă mă mơng tơring kual./.

Siu H’ Prăk: Pô pơblang