VOV4.Jarai - Mơguah tom brơi (31/3), tui tơlơi lăi pơthâo mơng Sang ia jrao prong tơring čar Kontum  mơnuih ruă thun tha hloh lơ̆m măt gơnam ƀong hrŏm hăng 4 čô mơnuih pơkŏn ƀơi tơring glông Kon Plông djai laih. Pô djai lĕ yă Y Xuân, 65 thun, dŏ ƀơi plơi Kon Du, să Măng Cành, tơring glông Kon Plông. Lơ̆m ba nao sang ia jrao yă Y Xuân tơdu arăt drah, hơtai boh ƀu hơđong, tơnap suă pran, him lăng ƀă jrao măt.

4 hrơi tơdơi pô anai măt gơnam ƀong huă, arăng ƀuh tơdu amăng hơtai boh, blung pruăi. Laih anun arăng jôr pơplih drah 3 wŏt. Ră anai 3 čô mơnuih ruă dŏ glăi glăk dŏ pơjrao pơ sang ia jrao mơnuih măt jrao. Ƀing gơñu glăi suă pran hăng măi samơ̆ glăk ƀơƀrư̆ suaih tui pơhmu hăng lơ̆m phrâo ba nao sang ia jrao. Tơlơi ngă tơnap tap ră anai lĕ bruă pơjrao mơnuih ruă lĕ ƀu hơmâo jrao pơjrao suaih mơtăm, aka ƀu hơmâo hră pơčrang lăng anŏ ngă măt amăng drah, him lăng amra pơjrao sui ƀiă dong.

Siu Đoan: Pơblang