VOV4.Jarai - Ƀrô hrơi abih bang mơnuih nao pơyơr drah lơ 7/4, hăng anăn pơphun “Pơyơr sa djroh drah - Jao glăi sa tơlơi hơdip”, Khul git gai pơsur bruă pơyơr drah tơring čar Kontum pơphun mông miting ngă tui tơlơi jak iâu hrŏm hơdôm hơdôm rơtuh čô mơnuih nao pơyơr drah. Amăng thun 2020, rĭm blan Khul kyâo bơrơkal mriah tơring čar gum hrŏm hăng hơdôm anom bruă pơphun mơng 3 truh pơ 5 tal pơyơr drah hăng tŭ mă rơbêh 5.300 anung drah rơgao hăng tơlơi pơkă.

Tŭ mă drah mơng ƀing mơnuih nao pơyơr

Ră anai đơ đam tơring čar hơmâo rơbêh 9.000 čô mơnuih čih anăn nao pơyơr drah, djă pioh na nao 7 grup pơyơr drah hăng anih djă pioh anung drah hăng rơbêh 480 čô ding kơna mut hrŏm nao pơyơr drah jôr brơi mơnuih ruă tơdah kiăng drah ječ. Tơdơi kơ mông mitting ngă tui hrơi abih bang mơnuih nao pơyơr drah lơ 7/4, sang ia jrao prong tơring čar Kontum pơphun tŭ mă rơbêh 200 anung drah mơng ƀing mơnuih nao pơyơr drah.

Siu Đoan: Pơblang