VOV4.Jarai -  Amăng mrô 272 čô mơnuih dô̆ hơdip mơda, mă bruă, hrăm hră ƀơi ƀôn prong Hồ Chí Minh phrâo dưi hmâo tơring čar Kontum čơkă glăi, hmâo 4 čô mơnuih ƀă kơman Sars-CoV-2. Amăng anun hmâo 2 čô mơnuih ƀơi plơi prong Kontum hăng 2 čô mơnuih pơ̆ tơring glông Tŭ Mrong.

Pơtô brơi mơnuih mă bruă mut amăng anih dô̆ čơlah hơbit

Wot 4 čô gơñu anai leng kơ dưi hmâo Anom wai lăng tơlơi duam ruă tơring čar Kontum pơčrang lăng pơsit tal sa hăng RT-PCR ƀuh kơman Sars-CoV-2. Tơdơi kơ anun mơtăm, hơdôm mơnuih anai dưi ba nao dô̆ čơlah pơjrao. Gơnong bruă ia jrao tơring čar blung a pơsit hmâo 24 čô mơnuih lĕ F1 mơng 4 čô mơnuih ƀă kơman anai. Gơnong bruă ia jrao tơring čar Kontum ăt brơi thâo mơn ƀơi anai phrâo hmâo 1 čô mơnuih mă bruă gah ia jrao ƀă djơ̆ kơman klin Covid-19 hăng sa čô ƀă glăi kơman klin Sars-CoV-2./.

Siu H’ Prăk: Pô pơblang