VOV4.Jarai - Tui tơlơi pơhing mơng Jơnum min mơnuih ƀon sang tơring glông Sa Thầy, tơring čar Kontum tlam lơ 5-5 brơi thâo, Anom bruă ia jrao tơring glông hơmâo pơčlah 1 cô mơnuih F1 hăng mơnuih ƀă klin Covid-19 mơng tơring čar Vĩnh Phúc hăng glăk ječ ameč kiăo tui ĕp ƀing mơnuih jê̆ giăm pô anai.

Anih pơčlah kiăo tui lăng ƀơi Sang ia jrao tơring glông Sa Thầy

Mơnuih F1 hơmâo anom bruă ia jrao Sa Thầy pơčlah kiăo tui lăng lĕ mơnuih mă bruă ƀơi sang adôh karaoke FoCus, mrô sang 01D, Jơlan Kim Ngọc, să Tích Sơn, tơring glông Vĩnh Yên, Vĩnh Phúc mơng thun 2019 truh ră anai. Blung hlâo Anom bruă ia jrao tơring glông Sa Thầy pơsit 6 čô mơnuih F2 yua giăm hăng L.T.T.T hăng hơmâo ba 5 čô mơnuih nao pơ anih pơčlah ƀơi tơring glông. Gong gai hăng gơnong bruă ia jrao tơring glông Sa Thầy glăk tŏ tui hyu ĕp mơnuih F3 kiăng kơ ba nao pơčlah mă pơ sang, laih dong ngă tui hơdôm tơlơi pơkă amăng pơgang klin.

Siu Đoan: Pơblang