VOV4.Jarai-Hăng ako\ bruă lăi nao “Ako\ pơjing gru grua hiam klă sit rô nao rai [ơi jơlan glông lir hơbit hăng tơlơi gơgrong mơng r^m ]ô mơnuih, phoă ngă tui djơ\ tơlơi phiăn pơtrun” anăp nao kơ bruă wai pơgang tơlơi hơdip mơda ană mơnuih mơnam, tom brơi, lơ 7/11, [ơi plơi prong Kontum, Gơnong bruă pôr pơthâo tơlơi pơhing tơring ]ar Kontum pơphun pơplông grup hyu pôr pơthâo, pơtô lăi kơ bruă wai pơgang rơnuk rơnua rô nao rai [ơi jơlan glông tal 2 thun 2016.

{ơi mông pơplông, djop grup ngă tui 3 mơta tơlơi pơplông. Tơlơi kơkuh nao rai puăi tlao blung a, tơlơi pơplông ngă sen ber, tơ`a lăi glăi tơlơi phiăn jơlan glông.

Tal pơplông anai kiăng pơđ^ tui tơlơi thâo thăi kơ mơnuih [on sang, thâo hluh dơlăm boh yom phun kơ tơlơi phiăn pơkă rơnuk rơnua rô nao rai [ơi jơlan glông, bruă mơgăt rơdêh, đ^ rơdêh hăng rô rơbat [ơi jơlan glông pơdah rai tơlơi thâo thăi hiam klă kơ r^m ]ô mơnuih.

Nay Jek: Pô ]ih hăng pôr