VOV4.Jarai-Bơyan tết, ngă yang thun phrâo Kỷ Hợi 2019 phrâo laih rơgao, jing bơyan [ong tết, ngă yang thun phrâo pha ra biă mă mơ\ng 29 boh sang ano\ hăng 96 ]ô mơnuih [on sang amăng plơi mă akan hơdang [ơi dơnao ia apui lơtrik Sesan 4, tơring glông giăm guai dêh ]ar Ia H’Drai, tơring ]ar Kontum.

Biă mă `u tơdơi kơ 10 thun hơdip, ngă sang amăng rơk^ do\ [ơi jơlah ia, hơdip mơda, mă bruă [u hơđong, anai le\ thun tal blung a mơnuih [on sang hơdip hăng bruă mă akan hơdang dưi ]ơkă thun phrâo amăng sang ano\ pơ kơdư hang ia hăng sang ano\ phrâo pơdong hiam, anăn ako\ sang rơđah rơđong tum te] kah hăng djop pô pơko\n.

Tơdơi kơ 10 thun do\ tung tut amăng jơlah ia, pơdong sang hăng rơk^, ngă bruă mă akan hơdang amăng dơnao ia drai apui lơtrik Sesan 4, anai le\ thun blung a sang ano\ ayong Nguyễn Tuấn Vũ, dưi [ong tết, ]ơkă thun phrâo [ơi kơdư hang, hơmâo h^ sang klă hiam laih anun hơmâo anăn ako\ sang djop laih.

Tơlơi hơdip mơda phrâo truh hăng sang ano\ ayong Nguyễn Văn Triều laih anun ană plơi pla rông akan amăng ia krông

~u brơi thâo, anun le\ sa tơlơi mơak prong biă mă hrom hăng 29 boh sang ano\ pơko\n amăng plơi amăng bơyan [ong têt thun phrâo Kỷ Hợi 2019 thun anai:

‘’R^m thun [ong tết amăng rơk^ soh đô]. Mut tơbiă nao rai amăng rơk^ kơniă biă mă, ia pơđung hyu yu\ ngo\, tơnap tap yơh.

Ră anai, hơmâo kơnuk kơna djru brơi sa boh sang mơak biă mă. Tơlơi mơak [u thâo yap ôh’’.

}ơkă thun phrâo amăng sang ano\ gah kơdư hang, mơnuih [on sang juăt mă akan hơdang do\ amăng jơlah ia đ^ amăng rơk^, sit nik [u thâo wor rơbit ôh tơlơi hơdip mơda tơnap tap gơ`u tom găn rơgao thun blan mơ\ng anai pơ klôn.

Plơi phrâo mơ\ng 29 boh sang ano\ rông akan amăng dơnao Sesan 4

Amăng bruă mă hơduah e\p tơlơi hơdip mơda tơpư\ [ong, [ing gơ`u rai mơ\ng lu plơi pla pha ra soh, kah hăng mơ\ng An Giang, Đồng Nai, Thừa Thiên Huế….pơtum glăi do\ amăng ia dơnao apui lơtrik ia krông Sesan 4, ngă bruă mă akan hơdang e\p [ong huă.

Abih 10 thun rơgao, mơnuih [on sang pơ anai kah hăng pơ]lah pha ra hăng mơnuih [on sang pơko\n, bruă mă phun kơnong kơnang kơ bruă mă akan hơdang amăng ia hơmâo laih hlâo.

Ayong Nguyễn Văn Triều, plơi pla hơđăp pơ An Giang adih brơi thâo, tơlơi  hơdip mơda mơnuih [on sang mă akan hơdang, dưi bơblih laih yua hơmâo khua mua git gai ping gah hăng jơnum min mơnuih [on sang tơring ]ar Kontum, đ^ song nao nao e\p tơl anih do\, tơ`a tong ten tơlơi do\ dong [ong huă laih anun djru pơsir brơi tơlơi tơnap mơ\ng ană plơi.

Khua mua să Ia Tơi, tơring glông Ia H’Drai, ăt djru laih mơn kơ mơnuih [on sang. Mơak biă mă `u abih bang 29 boh sang ano\ anai, khua mua să ngă brơi hră ako\ sang.

Ako\ thun 2018, lơ\m sa boh sang ano\ djru brơi 400 met lo\n pơdong sang [ơi akiăng jơlan, je\ dơnao  ia anun mơn, pơdong sang do\. Jơnum min wai lăng djop djuai ania mơnuih mơnam tơring ]ar Kontum djru 50 klăk prăk kơ sa boh sang ano\ laih anun pơ alin hrom prăk gơ`u pô pơdong sang do\ hiam klă.

Truh rơnu] thun 2018, sang mơ\ng 29 boh sang ano\ pơdong giong laih soh, hlâo kơ truh hrơi [ong têt ]ơkă thun phrâo Kỷ Hợi 2019.

Hlâo kơ têt mơtam, gong gai kơnuk kơna tơring glông ngă giong brơi hre\ apui lơtrik, pơke\ apui lơtrik brơi kơ plơi pla mă akan jai kraih mơak. Ayong Nguyễn Văn Triều lăi pơthâo tơlơi mơak ]ơkă thun phrâo mơ\ng sang ano\ `u:

‘’Dơ\ng mơ\ng thun 2012 truh ră anai, [ong tết do\ amăng rơk^ ia pơđung tung tut [ơi jơlah ia adih laih dơ\ng ta pô ăt [u hơmâo arăng tu\ yap lơi.

Ră anai, kơnuk kơna tu\ yap laih, hơmâo sang do\, djru djuai ană akan rông. Laih anun brơi 16 boh sang ano\ dưi ]an prăk, să mơn gơgrong brơi. Thun anai, mơnuih [on sang [ong tết mơak mơai laih’’.

Tơlơi hơdip mơda hơđong tui laih, thun phrâo 2019 ăt lu tơlơi ]ang rơmang phrâo amăng bruă mă. Dơ\ng mơ\ng hơmâo tơlơi djru mơ\ng anom bruă gah đang hmua tơring ]ar Kontum, truh rơnu] thun 2018 kah djop sang ano\ anai, ngă giong hơbo# rông akan amăng dơnao ia bơnư\ pơkong ngă drai apui lơtrik, lơ\m sa aboh sang ano\ ngă gruh rông akan hơdôm pluh met karê pơngo\.

Bruă ngă djru hrom rông akan, mă akan s^ dưi pơphun sit nik.

Djă bong bruă mă rông akan, mă akan amăng kual Dap kơdư, lu sang ano\ đơ đa ]ơkă tuai hyu lăng, e\p anih rông akan pioh bơwih brơi kơ tuai hyu ngui lăng akan, [ong huă hăng mơnong akan amăng ia mơtam, kah hăng wah mă akan rơtơi, akan hlăng, akan kiar akan tơnah ro\ng Sesan…

Hơmâo laih hră ako\ sang, lu sang ano\ pok anih s^ mơdrô anet, lu mơta mơnong kiăng bơwih brơi kơ tơlơi hơdip mơda mơak.

Lăi nao kơ ako\ bruă mơ\ng să djru, ơi Chế Hồng Quyền, Khua să Ia Tơi brơi thâo:

‘’Hăng 29 boh sang ano\ mơnuih [on sang mă akan hơdang, thôn 7 să Ia Tơi, kơnuk kơna hăng hơdră prăk tuh pơ alin yua kơnuk kơna soh.

Ako\ thun phrâo, să pơphun tơgu\ mă bruă ]uk pơkra jơlan plơi pla phrâo hăng mă bruă. Thun 2019 hăng ană plơi pla mă akan hơdang, să ăt djru pơkă lăng, ngă brơi hră yua lo\n kơ mơnuih [on sang hơđong mă bruă’’.

Têt Kỷ Hợi 2019 pha ra biă mă hăng mơnuih [on sang mă akan hơdang amăng dơnao bơnư\ ia Sesan 4.

Boh nik `u tơdơi kơ 10 thun tung tut pơđung amăng ia, do\ amăng rơk^ song nan, hơduah [ong huă yu\ ngo\, anai yơh thun blung a dưi [ong têt amăng sang pơdong [ơi hang ia hăng hơmâo anăn ako\ sang djop.

Sa tơlơi dơ\ng mơak hloh amăng bơyan têt anai, tal blung a lu sang ano\ mơ\ng pha ra plơi amăng dêh ]ar do\ hrom, lăi pơthâo gơnam [ong huă plơi pla kơ tơdruă amăng thun phrâo, tu\ jum tuai kah hăng [a` tek boh đung, dưm sơl boh đung amăng lăm, [a` buk mơnong akan An Giang;

hơbơi ngu, rơnga ngă [a` sik, [a` tơpung, [a` [eo Thừa Thiên Huế; hơkăt hna, a`ăm k’ôk hơtu\k rơbung mơsăm, mơnong akan, a`ăm hla dang krot Đồng Nai…

Thun phrâo hăng lu tơlơi gêh gal amăng bruă mă, ba glăi lu tơlơi mơak mơai truh pơ djop sang ano\ mơnuih [on sang plơi mă akan amăng dơnao ia krông Sesan 4, do\ [ơi să giăm guai dêh ]ar Ia Tơi, tơring glông Ia H’Drai, tơring ]ar Kontum.

Nay Jek : Pô ]ih hăng pôr