VOV4.Jarai - Phrâo tom adih anai, Kơnuk kơna hmâo mă yua laih Tơlơi pơtrun pơsit mrô 34 kơ pơhlôm hơđong braih pơdai lŏn ia truh thun 2030. Amăng anun lăi rơđah tơlơi hơđong braih pơdai dưi hmâo Ping gah hăng Kơnuk kơna ta lăng ba na nao, črâo ba, kiăng pơhlôm hơđong braih pơdai lŏn ia đơ đam dêh čar  ta ƀơi anăp hăng sui thun. Tơlơi pơtrun pơsit ba tơbiă tơhnal pơkă hrom lĕ pơhlôm djop braih pơdai, gơnam ƀong huă amăng lŏn ia amăng djop tơlơi amra hmâo hăng sa črăn sĭ kơ dêh čar tač rơngiao; pơđĭ tui prăk pơhrui glăi kơ mơnuih ƀôn sang pioh pơhlôm ngă juăt hăng anô̆ klă, pơhlôm gơnam ƀong huă; rim yak pơđĭ dlông tui, pran gơgrong, bôh thâo mơnuih ƀôn sang Việt Nam. Tơlơi pơtrun pơsit ăt ba tơbiă mơn hơdôm bruă mă, jơlan gah pơsir kah hăng pơtrut kơtang pơđĭ kyar, dăp glăi bruă ngă pơdai kơtor, pơkĕ hăng anih sĭ mơdrô; tuh pơplai pơđĭ kyar hơdră pơkă anom mă yua djru bruă ngă rai gơnam ƀong huă./.

Siu H’ Prăk: Pô pơblang