VOV4.Jarai - 4 boh tơring čar ƀơi kual Dap kơdư anun lĕ Gialai, Kontum, Daklak hăng Dak Nông glăk pok pơhai rơwang tal 2 kơ bruă tlâ̆o ia jrao pơgang tơlơi ruă rơkông đok, mrô mơnuih tlâ̆o vaccine rơbêh 80% amăng lok 1 hăng rơbêh 50% tlâ̆o lok 2, dŏ aset pơhmu hăng tơlơi pơkă. Tui hăng Anom bruă pơgang klin kman kual Dap kơdư, amăng hrơi blan anai, hơdôm tơring čar amăng kual Dap kơdư phrâo pơphun tlâ̆o vaccine pơgang ruă rơkông đok rơwang tal 2, hăng mrô tlâ̆o amăng lok 1 rơbêh 84%, lok dua rơbêh 50%.

Gialai lĕ tơring čar tlâ̆o vaccine rơwang tal 2 kaih hloh hơmâo rơbêh 72% tlâ̆o lok 1, 5% tlâ̆o lok 2. Lơ̆m anun, tơdah djơ̆ hăng tơlơi pơkă, hơdôm tơring čar glăk tlâ̆o vaccine rơwang tal 3. Anom bruă pơgang klin kman kual Dap kơdư brơi thâo, bruă tlâ̆o vaccine kaih lĕ yua lu tơlơi, anun lĕ sa, dua tơring čar aka ƀu đing nao, pơtrut pơsur; klin kman plai ƀiă ngă mơnuih ƀon sang huăi hŭi dong tah, ƀu gưt ngă tui tơlơi pơtrun amăng bruă tlâ̆o vaccin, pơkŏn lĕ yua mă bruă ataih yua anun ƀu nao tlâ̆o ôh.

Siu Đoan: Pơblang