VOV4.Jarai - Ră anai abih bang hơdôm boh tơring čar amăng kual Lŏn dăo ia krông Cửu Long pre lui laih bruă tlâ̆o vaccine kơ ƀing čơđai hrăm gưl 3. Amăng mông pok pơhai bruă, hơdôm boh tơring čar lăng yôm bruă khăm, pơhlôm rơnuk rơnua kơ ƀing hơmâo tlâ̆o. Pơphun mơng lơ 3/11, Kiên Giang pơphun tlâ̆o brơi rơbêh 13.300 čô čơđai hrăm anih 12 wơ̆t hăng ƀing čơđai sang hră giáo dục thường xuyên. Ƀing čơđai hrăm anih 12 amra hơmâo tlâ̆o amăng 1 hrơi laih anun tlâ̆o brơi kơ ƀing aka ƀu tlâ̆o amăng hrơi tơdơi dong ƀơi sang hră ƀudah ƀơi sang ia jrao prong ƀudah sang ia jrao să, phường. Ƀơi tơring čar Hậu Giang, tui hăng akŏ bruă prăp lui mơng Jơnum min mơnuih ƀon sang, mơng lơ 4 truh lơ 6/11 pơ anăp, tơring čar amra tlâ̆o vaccine pơgang Covid-19 kơ ƀing čơđai mơng 12 truh yŭ kơ 18 thun hăng vaccine Pfizer tui tơlơi pơtrun mơng Ding jum ia jrao.

Siu H’Mai: Pơblang