VOV4.Jarai - Daklak le\ tơring c\ar kual Dăp kơdư samơ\ hơmâo truh pơ 49 djuai ania do\ hơdip hro\m. Amăng thun blan laih rơgao, djop gưl khul đah kơmơi [ơi Daklak hơmâo lu bruă mă thâo pơc\eh phrâo kiăng jak iâu pơ[ut adơi amai djuai ania [iă mut hro\m djru bruă [ơi [on lan.

Lơ\m hơmâo tơlơi gum hro\m mơng đah kơmơi – [ing mơnuih ako\ sang, djop plơi pla [ơi Daklak dưi pơjing glăi tơlơi hơđong hăng pơđ^ kyar.

Hơdôm thun hlâo adih, [uôn Sek, să Dliêyang, tơring glông Ea H’leo le\ sa amăng hơdôm plơi pla juăt [uh tơlơi truh amăng jơlan glông [ơi jơlan mrô 14 ară jơlan găn nao tơring c\ar Daklak. Ba truh tơlơi anai le\ yua kơ hlăk ai amăng plơi pla juăt pơ[ut mơ`um tơpai, đ^ rơdêh đuăi kơtang.

Daklak pơpu\ bơni đah kơmơi djuai ania [iă tui đăo ba gru

Ako\ thun 2000, [uôn Sek ăt le\ plơi pla hơmâo lu mơnuih đuăi hyu do\ c\a c\ot pơ tac\ rơngiao. Samơ\ mơng hrơi hơmâo hơdră bruă “Grup đah kơmơi pơhlôm rơnuk rơnua amăng plơi pla’’. [uôn Sek glăk hơđong tui.

Amai Kpă H’Ben, Khua git gai grup đah kơmơi [uôn Sek brơi thâo, grup đah kơmơi pơphun hyu pơtô pơblang brơi kơ [ing apăn bruă, [ing ding kơna hăng mơnuih [on sang amăng plơi pla hu\i kơ ngă soh hăng tơlơi phiăn, ngă tui djơ\ hăng hơdră bruă pơjing sang ano\ pơhlôm rơnuk rơnua lơ\m đuăi rơdêh [ơi jơlan;

Laih dong djru pơgang hơđong, ngă tui djơ\ tơlơi phiăn, tơlơi pơkă amăng plơi pla hăng pơjing sang ano\ 5 tơlơi [u ngă 3 tơlơi hơdjă rơnăk. Tơlơi gơgrong “ngă mă pô’’ mơng đah kơmơi tui hăng phiăn tui kơnung djuai am^ hơmâo djă pioh, bruă wai pơgang [ơi [uôn Sek hơmâo hơđong.

Mơng hrơi hơmâo hơdră bruă anai amăng plơi pla gơmơi [u [uh lu dong tah rơdêh pơjro\m, bơ bruă mơnuih [on sang đuăi hyu do\ pơ tac\ rơngiao ăt [u hơmâo lơi. Biă mă `u le\ plơi pla gơmơi [u hơmâo mơnuih dju\p ho\t ma túy, hăng tơlơi truh [ơi jơlan glông hơmâo hro\ trun.

Ăt anai le\ plơi pla juăt hơmâo tơlơi rung răng [ơi kual djuai ania [iă, să C|ư\ Dliê Mnông, tơring glông C|ư\ Mgar, tơring c\ar Daklak, hơmâo hrưn đ^ man pơdong plơi pla phrâo yua kơ hơmâo gum tơngan hro\m mơng đah kơmơi amăng să.

Amai H’Yuôr Kđoh, Khua grup đah kơmơi să C|ư\ Dliê Mnông brơi thâo, să hơmâo 6 grup [ut pơphun tui r^m boh plơi pla, anun le\ “grup đah kơmơi pơgang rơnuk rơnua plơi pla’’, “grup đah kơmơi wai pơgang mă pô’’, “grup pơhlôm taih amăng sang ano\’’, “jua teng pơhlôm rơnuk rơnua’’…

Daklak jơnum pơpu\ đah kơmơi djuai ania [iă

Mơng hơdră bruă anai, Khul đah kơmơi să dưi pơgang brơi 16 wo\t taih amăng sang ano\ hơmâo nao lăi pơthâo [ơi sang jơnum plơi, pơsir brơi 18 wo\t rơkơi bơnai pơc\lah dưi pơwo\t glăi, lăi pơthâo brơi kông ang hơdôm tơlơi pơhing yôm phăn kiăng mă pơko\ng [ing mơnuih ngă soh hăng tơlơi phiăn, pơtô hrăm brơi hơdôm pluh c\ô hlăk ai anăm pơ[ut mơ`um tơpai ngă rung răng, djru brơi 10 c\ô hlăk ai ngă soh dưi pơwo\t glăi hơdip amăng plơi pla …

Amai H’Yuôr Kđoh pơsit, hơdôm grup anai pơjing lu mông jơnum pơ[ut pơhưc\ lu đah kơmơi hăng mơnuih [on sang gum pơgôp, hrưn đ^ tơlơi pơm^n, ngă tui djơ\ tơlơi phiăn, mơng anun pơhlôm hơđong amăng plơi pla:

Hơdră bruă grup đah kơmơi hơdip hiam suaih pral ră anai glăk pơhưc\ adơi amai lu biă mă. Ăt phrâo ako\ pơjing mơng ako\ thun 2019 đôc\ samơ\ hơmâo djop rơnuk đah kơmơi mut hro\m mơng c\ơđai sang hră truh hlăk ai, [ing pơprong hăng tha rơma ăt mut hro\m mơn, yua anun amu` jak iâu adơi amai nao jơnum pioh pơtô pơblang bruă pơgang, pơgăn [ing ngă soh hăng pơhlôm hơđong tơlơi hơdip amăng plơi pla.

Bơ [ơi hơdôm kual do\ hơdip kơ mơnuih djuai ania [iă gah Kơdư să Ea Wy, tơring glông Ea H’leo, tơring c\ar Daklak, amai Nông Thị Huệ, grup đah kơmơi [ut plơi 6A, să Ea Wy bơră ruai tom, 3 thun hlâo adih, [ut plơi pla le\ anih mơnuih lu hlăk ai dju\p ho\t ma túy.

Grup đah kơmơi [ut plơi hơmâo pơjing lu hơdră| bruă “Djop sang ano\ [u brơi hlơi ôh dju\p ho\t ma túy’’ pơtô pơblang brơi tơlơi phiăn djru brơi [ing ding kơna thâo hluh rơđah tơlơi sat mơng ho\t ma túy, pơtă mơnuih amăng sang ano\ anăm yua, s^ do\p ho\t ma túy hăng kơđiăng tơdah [uh mơnuih ngă soh lăi pơthâo mơtăm.

Boh than ba glăi anun le\ hơmâo lăi pơthâo brơi kông ang mă pơko\ng 2 c\ô mơnuih s^ do\p ma túy, pơtrut pơsur 7 c\ô mơnuih lui h^ ho\t mơ túy. Amai Nông Thị Huệ hok mơ-ak brơi thâo, 2 thun laih rơgao [ơi [ut plơi 6A [u [uh mơnuih dju\p ho\t ma túy dong tah.

Amăng bruă pơtô pơblang [ơi kual mơnuih djuai ania [iă [ing gơmơi anun le\ bruă mă sit nik kiăng ba đ^ ako\ phun. {ing gơmơi kho\m ba jơlan hlâo, pơphun ngă hlâo, adơi amai [uh tui anun kah mơng ngă tui, djop bruă hơpă thơ, wo\t bruă pơgang pơgăn ho\t ma túy.

Lơ\m pơtô pơblang `u [uh hăng thâo rơđah kơ bruă pơtô brơi ană bă. Amăng [ut plơi 6A anai giăm 70 c\ô adơi amai măng grup đah kơmơi [u hơmâo ană bă dju\p ho\t ma túy, mơng hrơi aka [u hơmâo hơdră bruă anai hơmâo sa, dua boh sang ano\ hơmâo ană bă dju\p ho\t ma túy, samơ\ ră anai [u [uh dong tah.

Pơlăi nao rai tơlơi găn rơgao amăng bruă jak iâu adơi amai mut hro\m [ơi kual mơnuih djuai ania [iă, yă Nguyễn Thị Thu Nguyệt, Khua Khul đah kơmơi tơirng c\ar Daklak, lăi pơtong, bruă ako\ phun le\ đing nao djru brơi [ing đah kơmơi hrưn đ^ amăng tơlơi bơwih [ong huă, hơđong tơlơi hơdip, mơng anun [ing gơ`u kah mơng hơđong pran jua gum djru bruă amăng plơi pla, hro\m hăng ngă djơ\ tơlơi phiăn.

Amai Kpă H’Ben

Amăng thun blan laih rơgao hơmâo lu tơlơi pơphun bruă mă amăng grup đah kơmơi hơmâo pơphun, pok prong amăng đơ đam tơring c\ar. R^m [ut plơi pla hơdôm hơdră pok pơhai lăi djơ\ hăng tơlơi kiăng mơng đah kơmơi hăng pơjing bruă mă ba gru amăng djop mơta bruă.

Truh ră anai grup đah kơmơi tơring c\ar Daklak hơmâo pơjing, pơpu\ bơni 945 c\ô mơnuih ba gru amăng djop mơta bruă, amăng anun giăm ha mơkrah le\ [ing đah kơmơi djuai ania [iă. Khul đah kơmơi tơring c\ar ăt hơduah e\p na nao.

Lăng glăi bruă mă tu\ yua mơng hơdôm hơbô| bruă anai kiăng pơlih brơi djơ\ tui dong. Mơng tơlơi sit nik anai, Daklak hơmâo pơphun lu bruă mă sit nik, tu\ yua anun le\: “Grup đah kơmơi pơhlôm rơnuk rơnua’’, “Plơi pla hơđong, sang ano\ ronom’’, “Sang ano\ [u hơmâo mơnuih dju\p ho\t ma túy’’, “grup hơdôm boh sang ano\ bơkơnar hiam klă’’.. Yă Nguyễn Thị Thu Nguyệt, Khua Khul pơlir hobit đah kơmơi tơring c\ar Daklak brơi thâo:

Sa amăng hơdôm tơlơi pơplih phrâo mơ\ [ing gơmơi glăk pơphun ngă anun le\ pơjing grup sang ano\ bơkơnar yâo mơ-ak, hơmâo pơ[ut lu adơi amai mơnuih djuai ania [iă, hơdôm sang ano\, wo\t [ing đah rơkơi mut hro\m.

Hăng mơng hơdôm grup anai [ing gơmơi hơmâo pok pơhai lu bruă mă kiăng pơblang brơi brơi djop sang ano\ thâo rơđah kiăng lui h^ hơdôm gru grua sô hơđăp [u hiam mơ\ ăt djă pioh gru grua yôm phara kơ djuai anai [ơi [on lan. Hơmâo sa tơlơi tui hăng gru grua djuai ania [iă [ơi anai, biă mă `u le\ djuai ania Êđê, [ing đah kơmơi le\ ako\ sang hăng [ing gơmơi gơgrong lu bruă amăng sang ano\.

Samơ\ mơng hơdôm tal hyu pơtrut pơsur, mơng hơdôm jơlan hơdră, [ing gơmơi glăk [ơ[rư\ hrưn đ^ tơlơi gơgrong mơng [ing đah rơkơi kiăng kơ [ing gơ`u djru brơi ha bơnah hro\m hăng [ing đah kơmơi samơ\ ăt djă pioh mơn tơlơi phiăn tui kơnung djuai gah am^ kơ djuai ania Êđê.

Hăng hơdôm bruă mă tong ten pơlir hăng sit nik, djop grup đah kơmơi [ơi tơring c\ar Daklak hơmâo jak iâu pơ[ut lu adơi amai kual djuai ania [iă gum tơngan hro\m pơgang hơđong plơi pla, ngă tu\ yua amăng bruă pơtrut đah kơmơi 5 tơlơi [u ngă 3 tơlơi hơdjă rơnăk, gum pơgôp man pơdong plơi pla phrâo jai hrơi trơi pơđao yâo mơ-ak.

Siu Đoan: Pơblang hăng pôr