VOV4.Jarai - Mơguah lơ 7/5, Anom bruă pơgang klin kman tơring čar Lâm Đồng brơi thâo: đơ đam tơring čar hơmâo tlâ̆o brơi laih 8.347 čô mơnuih vaccine AstraZeneca pioh pơgang klin Covid-19 tal 1. Bruă tlâ̆o vaccine pơhlôm hơđong, rơnuk rơnua, hăng rơgao tơlơi pơkă. Tui hăng pơpha mơng Ding jum ia jrao, tơring čar Lâm Đồng hơmâo ding jum ia jrao jao 7.100 liều vaccine tlâ̆o brơi ƀing nai ia jrao, ƀing djru pơgang klin. Hrơi mông pơphun tlâ̆o vaccine dong mơng lơ 23/4 truh lơ 5/5. Gơnong bruă ia jrao tơring čar Lâm Đồng hơmâo pơphun tlâ̆o ƀơi 53 anih anom anun lĕ ƀơi Anom bruă pơgang klin kman tơring čar, 2 boh sang ia jrao prong tơring čar, sang ia jrao Hoàn Mỹ Đà Lạt, 12 anom bruă ia jrao, anom bruă khăm pơjrao amăng kual, sang ia jrao ƀơi ƀon lan, anom bruă kông ang.  Mơng kiăo tui lăng tơdơi kơ tlâ̆o vaccine hơmâo 1.064 čô mơnuih huăi mưn ngă sat amăng drơi jăn ôh hăng 1 čô mơnuih pơglăi sat samơ̆ hơmâo pơjrao hĭ hmao tlôn.

Siu Đoan: Pơblang