VOV4.Jarai - Tơring čar Lâm Đồng čih hmâo dong 2 cô mơnuih mă bruă gah ia jrao ƀă Covid-19. Dua čô anai dưi pơsit ƀă Covid-19, sa čô mă bruă ƀơi anom pơjrao Nội A, Sang ia jrao prong tơring čar Lâm Đồng hăng mơnuih dô̆ glăi lĕ mơnuih mă bruă mơng tơring glông Di Linh. Đĭ tui mrô mơnuih mă bruă ia jrao ƀơi tơring čar Lâm Đồng ƀă Covid-19 truh kơ 5 čô mơnuih, amăng anun biă ñu dưi thâo ƀơi plơi prong Đà Lạt. Rơngiao kơ anun, sa dua čô tơhan plơi pơkon ăt ƀă Covid-19 mơn lom glăk gum hrom pơgang, pơgăn klin ruă. Yap truh ră anai, Lâm Đồng hmâo 2.556 čô mơnuih ƀă Covid-19, amăng anun hmâo 8 čô mơnuih djai hăng 676 čô mơnuih dưi pơjrao suaih. Mrô mơnuih ƀă kơman klin lu lĕ plơi prong Đà Lạt 606 čô mơnuih, kiăo tui anun lĕ tơring glông Đức Trọng 590 čô mơnuih. 2 bôh tơring glông hmâo mrô mơnuih ƀă Covid-19 ƀiă hloh mơng tơring čar Lâm Đồng lĕ Cát Tiên 18 čô hăng Lạc Dương 16 čô./.

Siu H’ Prăk: Pô pơblang