VOV4.Jarai - Lơ 20/7, tơring čar lâm Đồng hơmâo dong 2 čô mơnuih ƀă kman Covid-19 lêng kơ mơnuih mơgat rơdêh nao pơ tơring čar pơkŏn. Pơđĭ tui mrô mơnuih ƀă kman amăng tơring čar lĕ 20 čô mơnuih. Ƀing ƀă kman Covid-19 tal 19 hăng 20 lĕ mơnuih mơnuih ruă mrô 58038 hăng 58235, lêng ƀing mơgat rơdêh pơgiăng gơnam nao rai pơ tơring čar pơkŏn. Yua ƀing dŏ jê̆ hăng 2 čô mơnuih phrâo ƀă anai dŏ ƀơi lu anih phara anun lĕ tơring glông Đơn Dương, Đức Trọng, Lâm Hà, Di Linh, Bảo Lâm, hăng plơi prong Bảo Lộc, anom apăn bruă tơring čar Lâm Đồng hơmâo iâu lu mơnuih hyu hơduah ĕp, brơi dŏ pơčlah, pơčrang kman. Mơng mơmot lơ 19/7 truh mơguah lơ 20/7, ƀing tơhan hơmâo hyu ĕp ƀuh 53 čô lĕ F1, hăng 187 čô lĕ F2. Gơnong bruă ia jrao Lâm Đồng ngă 2 tơlơi pơtrun ječ ameč hyu ĕp ƀing bơdjơ̆ nao pô ƀă kman Covid-19.

Siu H’Mai: Pơblang