VOV4.Jarai - Mơguah lơ 14/7, tơring čar Lâm Đồng hơmâo dong mơnuih ƀă klin COvid-19 đĭ tui mrô mơnuih ƀă klin Covid-19 amăng tơring čar lĕ 13 čô. Mơnuih phrâo ƀă klin Covid-19 lĕ N.V.Đ. (31 thun, mơnuih mơgăt rơdêh) pơgiăng gơnam mơng tơdrông mrô 14, să Quảng Lập, tơring glông Đơn Dương (Lâm Đồng) laih anun nao pơ sang čơ Thủ Đức (Hồ Chí Minh) laih dong pơwŏt glăi.

Lâm Đồng kơtưn pel ĕp mơnuih găn nao rai amăng tơring čar pioh pơgang klin

Tui hăng pô anai lăi pơthâo, 2 blan anai ñu ƀu glăi pơ anih glăk dŏ hơdip ƀơi tơring glông Đức Trọng (Lâm Đồng), kơnong bưp ƀing mơnuih lơ̆m ñu jao gơnam, blơi gơnam ƀong ƀơi hơdôm sang sĭ gơnam ƀing hăng pit đih amăng rơdêh đôč, nao juă glai, mơnơi goi ƀơi hơdôm anih sĭ ia săng, blơi ƀañ mi kơtuai jơlan ƀơi tơring čar Đồng Nai samơ̆ ƀu hơdor anih ñu blơi. Bơdjơ̆ nao mơnuih ƀă klin N.V.Đ. anom bruă ia jrao hăng hơdôm anom bruă bơdjơ̆ nao hơmâo kiăo tui ĕp 4 čô mơnuih F1 hăng 16 čô mơnuih F2, abih bang arăng pơčrang lăng tañ lêng huăi ƀă klin. Ră anai bruă kiăo tui ĕp mơnuih jê̆ giăm glăk pơphun ječ amăng 3 boh tơring glông: Đức Trọng, Di Linh hăng Dă Huoai.

Siu Đoan: Pơblang