VOV4.Jarai-Rơnuc\ rơwang hrơi tơjuh rơgao, [ơi plơi prong Đà Lạt, Gru\p hyu mă bruă mơ\ng Ding jum Ia jrao yua kơ Khoa ding jum yă Nguyễn Thị Kim Tiến ba jơlan hlâo, hơmâo mông mă bruă hăng Jơnum min mơnuih [on sang tơring c\ar Lâm Đồng.

Lu tơlơi tơnap tap, gun găn amăng bruă khăm pơjrao, bơwih brơi tơlơi suaih pral kơ ană plơi pla hơmâo đing nao.

Tui hăng Gơnong bruă Ia jrao tơring c\ar Lâm Đồng, thun 2018, djop anih anom ia jrao amăng tơring c\ar hơmâo pơphun khăm brơi rơbêh kơ 2 klăk 400 rơbâo c\ô mơnuih, khăm brơi hlâo giăm 400 rơbâo c\ô mơnuih, sưng đih brơi mơnuih duam ruă rơbêh kơ 106%.

Amăng anun, rơbêh kơ 21 rơbâo 600 c\ô mơnuih hơmâo arăng khăm pơjrao tơlơi ruă brơi soh đôc\, rơbêh 3 rơbâo 260 c\ô mơnuih [un rin hăng [ă tơlơi ruă kơtang hơmâo djru brơi prăk kak kiăng pơjrao tơlơi ruă.

Samơ\, bruă khăm pơjrao tơlơi ruă, bơwih brơi tơlơi suaih pral kơ abih bang mơnuih [ơi tơring c\ar Lâm Đồng ăt do\ lu tơlơi gun găn.

Tui hăng ơi Huỳnh Ngọc Thành, Khoa Sang ia jrao prong II Lâm Đồng, yua kơ[ah ơi ia jrao anun yơh bruă khăm pơjrao tơlơi ruă amăng sang ia jrao bưp lu tơlơi tơnap tap, juăt pơjrao kiah lơ\m lu mơnuih.

‘’Amăng tơring c\ar Lâm Đồng [iă mă `u [ơi Bảo Lộc bưp lu tơlơi tơnap tap yua kơ[ah mơnuih mă bruă thâo rơgơi, biă mă `u le\ ơi ia jrao.

Anai le\ sang ia jrao tơring c\ar samơ\ hơmâo kơnong 72 c\ô ơi ia jrao đôc\ hơmâo hră pơsit dưi mă bruă, pơpha brơi r^m anom bruă ăt [u djop mơnuih mă bruă lơi.

Sa hrơi khăm brơi giăm 1.000 - 1.300 c\ô mơnuih ba rai sang ia jrao hăng rơbêh kơ 500 c\ô mơnuih duam ruă đih amăng sang ia jrao anun yơh kơ[ah biă mă ơi ia jrao.

Sang ia jrao hơmâo nao tơl Sang hră gưl prong c\i e\p mơnuih mă bruă samơ\ yua kơ [u hơmâo hơdră djru brơi [ing c\ơđai hrăm bruă ia jrao anun yơh [ing gơ`u [u gu\t glăi mă bruă ôh, mơ\ tơdah tu\ ư tơdơi kơ 18 blan hrăm bruă anun kah mơ\ng hơmâo hră pơsit dưi mă bruă samơ\ ăt đuăi nao mă bruă pơ Sài Gòn adih.

Yua anun yơh tơnap tap biă mă amăng bruă e\p mơnuih mă bruă’’.

Hro\m hăng bruă do\ kơ[ah mơnuih mă bruă, bruă ngă tui Tơlơi phiăn khăm pơjrao, Tơlơi phiăn pơhlôm nua ia jrao hăng hơdôm hră pơtô blang mă bruă mơ\ng djop ding jum, gơnong bruă, ăt do\ lu tơlơi aka [u djơ\ mơ\n, kah hăng glăk ngă tơnap tap amăng bruă khăm pơjrao tơlơi ruă.

Mông bưp nao rai mơ\ng gru\p hyu mă bruă Ding jum Ia jrao hăng tơring c\ar Lâm Đồng

Tui hăng Tơlơi pơtrun mrô 13 thun 2012 mơ\ng Ding jum Ia jrao kơ bruă tlâ|o ia jrao pit jang jai hăng pơsuaih mơnuih ruă, yua kơ tơring c\ar Lâm Đồng ăt do\ 13/18 boh sang ia jrao aka [u hơmâo ơi ia jrao tlâ|o ia jrao pit jang jai anun yơh ngă rơngiă prăk kak kơ arăng yua kơ kho\m ba nao sang ia jrao pơko\n, ngă tơnap tap kơ sang ia jrao lơ\m Hră pơgang gah mơnuih mơnam [u gu\t duh prăk lơ\m dreh pơjrao yua kơ [u hơmâo ơi ia jrao tlâ|o ia jrao pit jang jai.

Laih dơ\ng, kơ[ah ia jrao [ơi hơdôm sang ia jrao ră anai. Yă Bùi Thị Nga Giang, Kơ-iăng khoa anom bruă Hră pơgang gah mơnuih mơnam tơring c\ar Lâm Đồng brơi thâo, ba truh tơlơi anai mă mơ\ng sa, dua tơlơi pơsit amăng Tơlơi pơtrun mrô 11 thun 2016 mơ\ng Ding jum Ia jrao kơ bruă pơkra ia jrao:

‘’Lu anom bruă ia jrao brơi thâo kơ[ah ia jrao, bruă do\ kơ[ah ia jrao yua kơ bruă pơkra [u djop mă mơ\ng lu tơlơi samơ\ biă mă `u yua kơ bruă wai lăng ia jrao do\ gun găn.

Ngă tui Tơlơi pơtrun mrô 11 ăt tong ten yơh samơ\ bruă [u hơmâo ia jrao ăt do\ mơ\n.

Yua anun yơh tơlơi rơkâo lăng glăi bruă wai lăng ia jrao do\ gun găn ră anai kho\m pơplih glăi lăp djơ\’’.

{ơi mông mă bruă, Khoa pơ ala Gru\p hyu mă bruă mơ\ng Ding jum Ia jrao hơmâo lăi glăi abih hơdôm bruă do\ gun găn hăng tu\ yap tơlơi rơkâo mơ\ng gơnong bruă ia jrao tơring c\ar Lâm Đồng.

Bơ bruă kơ[ah ia jrao ră anai, Khoa ding jum Ia jrao yă Nguyễn Thị Kim Tiến brơi thâo, gơnong bruă ia jrao hăng djop anom bruă bơdjơ\ nao amăng tơring c\ar Lâm Đồng kiăng gơgrong hơkru\ pơsir h^, [u pioh tơlơi anai to\ tui pơ anăp do\ng tah.

‘’Bruă wai lăng ia jrao tui hăng hơdră wai lăng mơ\ng kơnuk kơna, [ing ta anăm wai lăng tui hnun do\ng tah.

Lơ\m Gơnong bruă Ia jrao bưp tơnap tap [ing ta kiăng tơ`a hơdôm anom bruă gưl prong pơsir h^, anăm brơi kơ[ah ia jrao ôh.

Anih anom s^ mơdrô ia jrao hơmâo lu anih yua hơge\t [ing ta hu\i kơ[ah ia jrao, sang ia jrao pơko\n [u gun găn ôh.

Yua hơge\t brơi mơnuih [on sang kah hăng sang ia jrao [ơi să kơ[ah ia jrao, bruă anai Gơnong bruă Ia jrao kah hăng anom bruă bơdjơ\ nao laih dơ\ng Hră pơgang gah mơnuih mơnam kho\m glăm ba’’.

Siu Đoan: Pô ]ih hăng pôr