VOV4.Jarai - Lơ 5/4, Gơnong bruă ia jrao Lâm Đồng git gai Anom pơgang Tơlơi duam ruă tơring čar, sang ia jrao hơdôm boh tơring glông, plơi prong hăng hơdôm anih khăm pơjrao amăng tơring čar pơtrut pơgang tơlơi ruă kơčung tơkai tơngan mơbah. Tui hăng Anom pơgang tơlơi duam ruă tơring čar Lâm Đồng, mơng akŏ thun 2021 truh ră anai, tơring čar hơmâo 149 čô ruă kơčung rơkai tơngan, amăng bah, đĭ lu hloh 109 čô mơnuih ruă amăng tơđar thun hlâo. Ngă tui tơlơi git gai mơng Anom wai lăng bruă Khăm, pơjrao tơlơi ruă - Ding jum ia jrao kơ bruă pơtrut pơjrao tơlơi ruă ngă kơčung tơkai tơngan amăng mơbah, kiăng dưi pơgang hĭ tañ tơlơi ruă anai, ƀu brơi tơlơi ruă anai ƀă hyu kơ abih bang ôh, Gơnong bruă ia jrao tơring čar kiăng Anom bruă pơgang tơlơi duam ruă tơring čar čih pơkra bruă ngă, pơgang tơlơi ruă anai ƀơi tơring čar laih anun ječ ameč ngă tui akŏ bruă hơmâo ba tơbiă.

Siu H’Mai: Pơblang