VOV4.Jarai - Yap truh lơ 7/9, tơring čar Lâm Đồng čih pioh hơmâo 259 čô mơnuih ƀă kman Covid-19. Amăng anun, hơmâo 187 čô mơnuih pơjrao suaih hăng glăi mơng sang ia jrao laih. Lạc Dương jing tơring glông hơjăn ñu yơh ƀơi Lâm Đồng aka ƀu hơmâo mơnuih ƀă kman Covid-19. Lăp đing nao dong, amăng mrô ƀă klin Covid-19 ƀơi Lâm Đồng hơmâo rơbêh 70% mrô mơnuih hơmâo pơjrao suai, glăi pơ sang laih. 72 čô dŏ glăi glăk dŏ pơjrao mơn ƀơi sang ia jrao.

Bruă krăp lăng mơnuih ƀă kman, pơhaih ia jrao hơmâo mơnuih ƀon sang ƀơi Lâm Đồng ngă klă biă.

 Mah klin ngă ƀơi Lâm Đồng dưi pơgang mơn, samơ̆ ăt ƀu thâo hlâo hiư̆m pă ôh, Khua mua Ping gah tơring čar Lâm Đồng lăi pơthâo kiăng Jơnum min mơnuih ƀon sang tơring čar, anom git gai hăng anom bruă git gai pơgang klin Covid-19 mơng tơring čar pơƀut pơtô ba hơdôm tơring glông, plơi prong khut khăt ƀu dưi pơ-ai ôh, biă ñu wai lăng klă ƀing mơgat rơdêh, ƀing kiăo tui rơdêh pơgiăng gơnam.

Siu H’Mai: Pơblang