VOV4.Jarai - Hơdôm hrơi rơgao, hơdôm bôh anom gah Ling tơhan pơgang guai lo\n ia tơring ]ar Daknông pơtrut kơtang bruă lăi pơhing truh mơnuih [ôn sang, djru pran kơ bruă pơgang, pơgăn klin ruă [ơi kual guai lo\n ia.

Hơdôm bôh anom hmâo lu hơdră lăi pơhing lu mơta kah hăng loa pôr pơhing đuăi hyu, tơlơi pơhing, panô, [a\ng rôn, áp phích, truh rim sang hăng truh tơl đang hmua kiăng lăi pơhing.

Să [ơi guai lo\n ia Thuận An, tơring glông Dak Mil, tơring ]ar Daknông hmâo rơbêh kơ 30% mrô mơnuih [ôn sang le\ djuai ania Bơnông, hơd^p lu biă `u [ơi 2 bôh [ôn Sar Pa hăng Bu Dak.

Ling tơhan pơgang guai lo\n ia lăi pơhing pơgang, pơgăn klin Covid-19 [ơi sang ]ơ Thuận An

Neh wa juăt hmâo tơlơi rô nao rai djuai ania kơnung djuai hăng juăt găn nao rai ]ua\ kơnung djuai hăng mơnuih [ôn sang bơnah gah dêh ]ar Kur. {ơi să hmâo Bah amăng guai lo\n ia Dak Preu, anun klin Covid-19 amra lar tưp hyu amăng kual prong biă.

Thiếu tá Doãn Văn Tiến, Pô apăn bruă kơđi ]ar Puih kơđông pơgang guai lo\n ia Bah amăng guai lo\n ia Thuận An brơi thâo: anom bruă hmâo pok pơhai hơdôm bôh yôm lăi pơthâo hăng hơdôm hơdră lu mơta kah hăng lăi pơhing đing nao, hluai tui glông loa pôr pơhing hyu djop anih, hră lăi pơhing, panô, [a\ng rôn, áp phích, truh rim sang hăng tơl đang hmua.

Hră pơ-ar lăi pơhing dưi dăp hơdră pơblang, h^p mă jua pơhiăp tơlơi djuai ania [ia\ kiăng djru neh wa amu` hmư\, amu` thâo hluh, amu` ngă tui.

Mơta pơkon, puih kơđông gum hrom hăng gưl Ping gah, gong gai, hơdôm gru\p, gơnong bruă đing nao lăi pơthâo, lăi pơhing pơđ^ tui tơlơi pơmin mơng mơnuih amăng khul, amăng gru\p, mơnuih [ôn sang [u dưi djru [ing mơnuih mut tơbiă amăng lo\n ia ta [u djơ\ phiăn.

Ơi Y Dốc, [ơi [ôn Sar Pa, tơring glông Dak Mil, tơring ]ar Daknông brơi thâo: “Dưi hmâo mơnuih mă bruă [ơi puih kơđông lăi pơthâo, neh wa [ơ [ia\ thâo mơn kơ tơlơi klin ruă, hơdră pơgang, pơgăn klin, biă `u hơdư\ găn nao rai ]ua\ [ing go\p gah dêh ]ar Kur, be\ hmâo tơlơi yua kơ kơ[ah tơlơi wai lăng mơ\ lar tưp hyu klin ruă amăng plơi pla.

Ling tơhan pơgang guai lo\n ia nao tơl đang hmua pha hyu hră lăi pơhing pơgang, pơgăn klin Covid-19 

{ơi să Quảng Trực, tơring glông Tuy Đức, tơring ]ar Daknông hơdôm hrơi rơgao, khă ayuh hyiăng [u gal, hơjan na nao, samơ\ hăng pran jua gơgrong prong, mơnuih apăn bruă tơhan, ling tơhan Puih kơđông pơgang guai lo\n ia Dak Dang gum hrom hăng gưl Ping gah, gong gai nao rim plơi, sang ano# kiăng [ơk brơi hră lăi pơhing, pơtô brơi hơdră thâo kơ gru nam klin ruă.

Anom do# pha brơi bơnal gôm adung mơbah, ia rao tơngan pơdjai kơman, hră lăi pơhing hăng pơtô brơi k^ tơlơi pơkôl kơ ngă tui hơdôm bruă pơgang, pơgăn klin Covid-19.

Hơdôm hrơi rơgao, {irô git gai ling tơhan Puih kơđông pơgang guai lo\n ia tơring ]ar Daknông hmâo ]râo ba laih abih bang hơdôm bôh [irô, anom bruă ha amăng ple\ pơphun ngă tui blan pioh kơ bruă hyu lăi pơhing, pơsur mơnuih [ôn sang [ơi kual guai lo\n ia pơgang, pơgăn klin Covid-19 amăng tơlơi phrâo anai.

Hơdôm bôh anom hmâo pơphun in tơglit hăng pha hyu 10.000 pok hră lăi pơhing, giăm truh 20.000 pok hră pơkôl pơgang, pơgăn klin Covid-19 kơ mơnuih [ôn sang [ơi 7 bôh să guai lo\n ia.

Bôh yôm lăi pơhing đing nao hơdôm tơlơi pơtă mơng Ding jum ia jrao kơ pơgang, pơgăn lar hyu hăng tưp hyu klin amăng plơi pla; hơdôm tơlơi pơkă kơ bruă wai lăng guai lo\n ia; hơdôm tơlơi pơkă, rơnoh bơtơhmal pioh kơ hơdôm bruă ngă soh.

Thượng tá Rơ Lan Ngân, Kơ-iăng Khua apăn bruă kơđi ]ar Ling tơhan pơgang guai lo\n ia tơring ]ar Daknông brơi thâo: hăng pran jua “hyu rim gah, poh rim sang, nao tơl đang hmua”, Ling tơhan pơgang guai lo\n ia tơring ]ar gum hrom hăng gưl ping gah gong gai [ơi anai đing nao lăi pơhing kơ mơnuih [ôn sang kiăng pơdo\ng “rim sang ano# le\ sa anih gơgrong bo\ng klin”.

Mơng anun, mơnuih [ôn sang pơđ^ tui tơlơi pơmin, [u lui raih hăng đăo gơnang kơ tơlơi git gai mơng Ping gah, Kơnuk kơna, Gong gai dêh ]ar, kơ tơlơi pơphun bruă mơng hơdôm gưl, hơdôm gơnong bruă hăng abih bang mơnuih mơnam amăng pơgang pơgăn klin Covid-19, pơhlôm pơđ^ kyar bơwih [ong – mơnuih mơnam, djă pioh hơđong, pơhlôm mơnuih mơnam./.

Siu H’ Prăk: Pô pơblang