VOv4.Jarai - Truh tlam lơ 17/9, Lâm Đồng hơmâo 272 čô mơnuih ƀă klin Covid-19, amăng anun hơmâo 228 čô mơnuih pơjrao suaih hăng dưi glăi pơ sang. Amăng mrô 272 čô mơnuih ƀă klin Covid-19 amăng tơring čar Lâm Đồng, hơmâo lu mơnuih ƀă klin yua kơ lar mơng Sang măi Sợi Đà Lạt hăng ƀing mơnuih mơgăt rơdêh pơgiăng gơnam tam găn nao rai pơ tơring čar pơkŏn. Amăng anun, plơi prong Đà Lạt hơmâo mrô mơnuih ƀă klin lu hloh hăng 162 čô, kiăo tui tlôn lĕ tơring glông Đơn Dương 45 čô hăng Đức Trọng 27 čô. Hơdôm tơring glông  Bảo Lộc, Cát Tiên, Lâm Hà rĭm tơring glông hơmâo 1 čô. Kơnong Lạc Dương lĕ tơring glông aka ƀu hơmâo hlơi ôh ƀă klin Covid-19. Sit biă ñu, amăng mrô mơnuih ƀă klin Covid-19 ƀơi Lâm Đồng lu mơnuih pơjrao suaih laih hăng dưi glăi pơ sang. Ră anai dŏ kơnong 44 čô mơnuih glăk dŏ pơjrao ƀơi Sang ia jrao pơjrao brơi čơđai Lâm Đồng hăng ƀơi 2 boh tơring glông Đơn Dương, Đức Trọng.

Siu Đoan: Pơblang