VOV4.Jarai-Amăng hơdôm hrơi rơgao, lu tơring čar amăng dêh čar čih pioh mrô mơnuih ƀă Covid 19 lu biă mă. Mơguah lơ 30/12, ƀơi Nghệ An čih pioh 81 čô mơnuih ƀă Covid 19 ƀơi 13 boh tơring glông, amăng anun 10 čô ƀă amăng plơi pla. Bơ tơring čar Hưng Yên amăng dua hrơi lơ 28 hăng 29/12, čih pioh hơmâo 249 čô mơnuih ƀă klin hăng kman sars-cov-2. Lăp gleng nao, ƀuh lu mơnuih ƀă klin phrâo amăng anih lu mơnuih kah hăng kông ty pơkra ming amăng tơring glông Tiên Lữ, Văn Lâm, plơi prong Mỹ Hào.

Tơring čar Ninh Bình, amăng lơ 29/12, hơmâo 29 čô mơnuih ƀă phrâo. Amăng dua hrơi rơgao, tơring čar Bắc Ninh ăt čih pioh 411 čô mơnuih ƀă Covid 19. Him lăng hrơi blan pơ anăp, mrô mơnuih ƀă klin ăt amra đĭ lu lơ̆m bruă mă tơlơi bơwih ƀong huă-mơnuih mơnam hơdôm hrơi rơnuč thun lu mơnuih pơtum nao rai.

Nay Jek: Pơblang