VOV4.Jarai-Bruă mă tlâ̆o ia jrao pơgang vaccine Covid 19 kơ čơđai muai mơ̆ng 12 -17 thun ƀơi Việt Nam, pok pơhai mơ̆ng akŏ blan 11/2021 đơ đam dêh čar. Ră anai, hơmâo 6 boh tơring čar, ƀôn prong pơphun tlâ̆o pơgang kơ čơđai lĕ ƀôn prong Hồ Chí Minh, Đà Nẵng, Bình Dương, Kiên Giang, Ninh Bình hăng Quảng Ninh. Hơmâo hơdôm tơring čar pơkŏn ăt pơkra hơdră pok pơhai tlâ̆o ia jrao vaccine pơgang Cơvid 19 kơ čơđai muai mơ̆n sit hơmâo djop  ia jrao vaccine.

Ding jum ia jrao hlăk đing nao blơi ia jrao brơi tlâ̆o djop brơi kơ abih bang mơnuih mơ̆ng 18 thun pơngŏ khom giong amăng 3 blan tal 4 rơnuč thun 2021 hăng akŏ thun 2022. Kơnong kơ bruă tlâ̆o ia jrao vaccine pơhlôm, pơgang Covid 19 kơ čơđai muai gah yŭ 18 thun, kơnang kơ hơdră ba ia jrao vaccine mơ̆ng sang bruă pơkra ia jrao đôč, Ding jum ia jrao ăt hlăk pơkra hơdră mă yua ia jrao vaccine thun 2022 hăng rơkâo khua mua Khul git gai mơ̆ng dêh čar kơ bruă pơhlôm pơgang klin brơi pok tui hnơr thun pioh tlâ̆o kơ čơđai muai gah yŭ 12 thun tui hăng tơlơi pơtă pơtăn mơ̆ng Anom bruă khul ia jrao rŏng lŏn tơnah.

Nay Jek: Pơblang