VOV4.Jarai-Yap truh 6 mông lơ 10/5, Việt Nam čih pioh dơ̆ng 80 čô mơnuih ƀă kman Covid 19, hơmâo 78 čô mơnuih ƀă amăng dêh čar hăng 2 čô mut rai mơ̆ng tač rơngiao hlong nao dŏ pơčlah phara laih.

Ding jum ia jrao lăi pơthâo, 80 čô mơnuih ƀă phrâo, amăng anun 2 čô lơ̆m mut rai pơ Đồng Nai hlong nao dŏ pơčlah laih hăng 78 čô ƀă čih pioh ƀơi Bắc Ninh 27 čô, Vĩnh Phúc 19 čô, Đà Nẵng 13 čô, Bắc Giang 5 čô, Hà Nội 9 čô, Hòa Bình 2 čô, Dak Lak 1 čô, Điện Biên 1 čô, Lạng Sơn 1 čô.

Yap truh 6 mông lơ 10/5, Việt Nam hơmâo 1.981 čô ƀă Covid 19 amăng dêh čar, amăng anun mrô mơnuih ƀă yap mơ̆ng lơ 27/4 truh ră anai lĕ 411 čô. Kơ bruă pơjrao mơnuih duăm ƀă klin Covid 19, mrô mơnuih ĕp kman tal sa ƀu ƀuh kman lĕ 25 čô, tal 2 hơmâo 22 čô huăi hơmâo kman, tal 3 hơmâo 17 čô huăi ƀuh kman, mrô mơnuih djai yua klin anai ngă 35 čô, mrô mơnuih dưi pơjrao suaih lĕ 2.602 čô.

Nay Jek: Pơblang