VOV4.Jarai-Ding jum ia jrao brơi thâo, truh 6 mông lơ 13/8, Việt Nam hơmâo pơjrao hlao laih 89.145 čô mơnuih ƀă Covid 19. Tơlơi pơhing phrâo hloh mơ̆ng Ding jum ia jrao, yap truh ră anai, Việt Nam hơmâo 246.568 čô mơnuih ƀă Covid 19, amăng anun 2.395 čô mơnuih mơ̆ng dêh čar tač rơngiao mut rai hăng 244.173 čô ƀă amăng dêh čar. Mrô mơnuih ƀă yap mơ̆ng lơ 27/4 truh ră anai lĕ 242.603 čô, amăng anun 86.371 čô dưi pơjrao suaih laih.

Hơmâo 4/62 boh tơring čar, ƀôn prong rơgao 14 hrơi aka ƀu čih pioh mơnuih ƀă klin phrâo anun lĕ, Quảng Ninh, Bắc Kạn, Tuyên Quang hăng Lai Châu. Hơmâo 8 boh tơring čar, ƀôn prong ƀu hơmâo mơnuih ƀă tŏ tui mơ̆ng mơnuih ƀă hlâo kơ anun amăng 14 hrơi rơgao anun lĕ, Lao Cai, Kon Tum, Hà Giang, Quảng Trị, Yên Bái, Thái Bình, Bắc Giang, Hải Phòng.

Kơ tơlơi pơhing pơjrao mơnuih duăm ruă ƀă Covid 19, mrô mơnuih pơjrao hlao laih sit nik amăng dêh čar ta hơmâo 89.145 čô, mrô mơnuih duăm kraih pơjrao hăng ICU lĕ 499 čô, mrô mơnuih djai yua klin Covid 19 lĕ 4.813 čô.

Nay Jek: Pơblang