VOV4.Jarai-Yap truh mơguah lơ 17/5, đơ đam dêh čar ta hơmâo 37 čô mơnuih ƀă phrâo Covid 19 amăng dêh čar, tơring čar Bắc Giang 22 čô, Bắc Ninh 11 čô, Vĩnh Phúc 3 čô, Tuyên Quang 1 čô. Ding jum ia jrao brơi thâo, amăng mrô 37 čô mơnuih ƀă Covid 19, mrô arăng ƀuh amăng anih pơčlah laih lĕ 15 čô. Mrô dŏ amăng anih arăng guang dar lĕ 22 čô.

Amăng dêh čar ƀu ƀuh anih ƀă klin phrâo ôh, Mrô mơnuih ƀă yap mơ̆ng lơ 27/4 truh ră anai lĕ 1.176 čô. Yap truh 4 mông lơ 16/5, mrô mơnuih tlâ̆o laih ia jrao vaccine pơgang Covid 19 tal sa hăng tal dua ƀơi djop tơring čar, ƀôn prong 979 rơbâo 238 liêu kơ ƀing nai ia jrao, mơnuih mă bruă amăng sang ia jrao, anih pơjrao mơnuih duăm ruă ƀă Covid 19, ƀing ngă bruă gah ia jrao hăng ƀing mă ia khak pioh ba pơčrang kman, ĕp mơnuih ƀă kman mơ̆ng khul pơgang Covid 19, khua mua git gai pơhlôm pơgang djop gưl, ling tơhan blah ngă, tơhan kông an. Amăng anun hơmâo 22 rơbâo 561 čô mơnuih tlâ̆o laih 2 arăt vaccine.

Nay Jek: Pơblang