VOV4.Jarai - Mơguah lơ 24/5 mơng Ding jum ia jrao brơi thâo hơmâo dong 58 čô mơnuih ƀă klin Covid-19, amăng anun hơmâo 2 čô mut rai mơng tač rơngiao hơmâo ba nao pơčlah mơtăm, 56 čô mơnuih ƀă klin yua lar hyu amăng dêh čar ƀơi 6 tơring čar, ƀôn prong, kơnong ƀơi Bắc Giang hơmâo 33 čô. 2 čô mơnuih ba nao pơčlah rai mơng tač rơngiao lĕ ƀơi Hà Nội, anai lĕ ƀing mơnuih ƀon sang dêh čar India, hơmâo đah kơmơi 35 thun hăng čơđai anet 3 thun. Amăng mrô 56 čô mơnuih ƀă klin amăng dêh čar, tơring čar Bắc Giang hơmâo 33 čô, 8 čô ƀơi Hà Nội, 7 čô ƀơi Bắc Ninh, 5 čô ƀơi Lạng Sơn, 2 čô ƀơi Điện Biên hăng 1 čô ƀơi Hải Dương. Truh 6 mông lơ 24/5, Việt Nam hơmâo abih tih 3.790 čô mơnuih ƀă yua lar hyu amăng dêh čar hăng 1.485 čô mơnuih mut rai mơng tač rơngiao. Hơmâo 6 boh tơring čar găn rơgao 14 hrơi ƀu hơmâo dong mơnuih phrâo ƀă klin anun lĕ: Yên Bái, Quảng Ngãi, Đồng Nai, Nghệ An, Quảng Ninh, Quảng Nam. Truh ră anai, dêh čar ta hơmâo 42 čô mơnuih djai yua ƀă klin Covid-19, 2.721 čô mơnuih pơjrao suaih laih.

Siu Đoan: Pơblang