VOV4.Jarai - Truh 6 mông mơguah lơ 6/5, Việt Nam hơmâo dong 8 čô mơnuih ƀă klin Covid-19 (mơnuih ƀă klin mrô 3023 - 3030) ƀơi sang ia jrao pơjrao tơlơi ruă Nhiệt đới dêh čar anih mrô 2. Yua anun, Việt Nam hơmâo abih bang 1.634 čô mơnuih ƀă klin yua lar hyu amăng lŏn ia, amăng anun mrô mơnuih ƀă klin mơng lơ 27/4 truh ră anai lĕ: 64 čô mơnuih. Truh 4 mông tlam lơ 5/5, hơmâo abih bang 675.956 čô mơnuih apăn bruă, nai ia jrao, ơi ia jrao glăk dŏ pơjrao brơi mơnuih ƀă klin, ƀing nai ia jrao, ơi ia jrao pơphun hơdôm bruă anun lĕ mă ia khak, ia adung, pơčrang lăng, kiăo tui ĕp, laih dong ƀing ding kơna amăng grup pơgang klin Covid-19 amăng plơi pla, Khul git gai pơgang klin djop gưl, ƀing kông ang, ling tơhan hơmâo tlâ̆o vaccine pơgang klin Covid-19 tal 1 hăng 2.

Siu Đoan: Pơblang