VOV4.Jarai-Hrom hăng bruă nao čơkă mơnuih ƀôn sang mơ̆ng kual hơmâo klin gah dơnung glăi lu, ră anai mrô mơnuih ƀă Covid 19 amăng anih dŏ pơčlah phara ƀơi tơring čar Gia Lai ăt kơtang mơ̆n, ngă kơ mơnuih ƀôn sang Gia Lai kiăng biă mă dưi tlâ̆o vaccine pơgang Covid 19.

Tơring čar Gia Lai ăt pơphun tlâ̆o ia jrao vaccine tal 5 kơ mơnuih ƀôn sang pơtrut bruă tlâ̆o pơgang hmar hloh, kiăng pơgang ană plơi pla huăi ƀă klin. Akŏ bruă dăp hlâo truh thun 2022, khom ngă djơ̆ tơhnal pơkă mơ̆ng dêh čar brơi tlâ̆o pơgang kơ mơnuih ƀôn sang plơi pla đơ đam tơring čar Gia Lai.

Hăng mơnuih ƀôn sang pơ kual ataih, kual tơnap tap amra dưi čih anăn hăng tlâ̆o pơgang pơ kual plơi pla djơ̆ hơdră. Tơring čar ăt kơtưn truh abih thun 2021 mrô mơnuih dưi tlâ̆o pơgang truh 70%.Tal rơnuč amra tlâ̆o pơgang khom giong amăng 3 blan tal sa thun 2022.

Nay Jek: Pơblang