VOV4.Jarai-Pơ [on Pang Pah, gah yu\ tơkai ]ư\ Tao Dung, hơmâo sa ]ô ană mơ\ng plơi pla djuai ania K’Ho, do\ pơmin, [lơ\k na nao kơ gru grua djuai ania pô.

Mơnuih kơhnăk gru đưm ơi K’Chung, thun anai 70 thun laih, hu\i tơdơi anai, laih `u glăi hăng ơi yă pơ plơi atâo adih, [u hơmâo pô pơtô glăi kơ ană tơ]ô djă pioh boh yom hiam gru grua đưm djuai ania.

-Rơkâo kơ ih ơi K’Chung, mơnuih kơhnâo kơhnăk gru grua đưm lăi pơthâo tơlơi hơge\t ngă kơ ih hur har pran jua djă pioh, pơtô glăi gru grua djuai ania K’Ho kơ ană tơ]ô rơnuk tơdơi ?

-Ơi K’Chung: Yua kơ kâo [u kiăng rơngiă h^ ôh tơlơi thâo thăi, gru grua đưm djuai ania ta.

Kâo kiăng biă mă pơtô glăi kơ ană tơ]ô rơnuk tơdơi anai thâo djă pioh, pơlar tui nua yom gru grua djuai ania pô.

Kah hăng pơtô atông ]ing, atông hơgor, pe\ ting ning, ayup đing de\k, ayup diăp [udah pah đing pơng đưm, biă mă `u pơtô brơi hơdră atông ]ing, kâo hyu pơtô atông ]ing pơ lu plơi pla ala [on laih.

{ơi să Dă K’Nang anai, kâo pơtô atông ]ing kơ 3 grup hăng pơtô suang đưm kơ 3 grup suang mơn.

Laih anun truh pơ Lâm Hà kâo nao pơtô brơi atông ]ing kơ 8 grup.

-Tui hăng ih hơdôm gru grua thâo thăi đưm djuai ania K’Ho hiam ro\ kiăng pơđ^ tui hăng djă pioh na nao amăng tơlơi hơdip ră anai hơge\t le\ ?

-Ơi K’Chung: Gru grua kiăng djă pioh hăng pơđ^ tui yơh ho\, blung hlâo le\ jing ]êng (]ing hơgor), gong kơni, ting ning, tơrưng djop mơta, đing de\k đing diap ayup ngui…

Yua dah ơi yă ta đưm pơmin tơdơi anai tad jai đuăi, glăi hăng ơi yă khom djă ba ]ing hơgor, đing de\k, gong kơni…djop mơmta gơnam yua ngă mơak pran jua anun [u dưi kơ[ah ôh, khom djă pioh klă, yua dah anai le\ gru grua tơlơi thâo thăi mơ\ng đưm ơi yă ta pioh glăi.

Gru grua đưm sit mơn [u thâo lui h^ ôh. Yua dah mơ\ng đưm đă, ơi yă [ing ta pơmin ană mơnuih dơ\ng mơ\ng phrâo tơkeng rai, truh kơ pro# tơdăm prăm dra [a tơsâo, truh hơmâo sang do\ pro\ [ong truh kơ glăi hăng ơi yă jua ]ing hơgor khom hơmâo.

{udah ngă yang huă asơi hle, ngă yang ]ư\, iâu yang ia, yang apui, kyâo pơtâo djop mơta yang kiăng kơ tơlơi hơdip mơda ta trơi pơđao yâo mơak, pơdai jor kơtor lu [u thâo abih….

Djop mông ngui ngor mơak ngă yang djơh hăng anun lêng kơ hơmâo ]ing hơgor soh, hơmâo đing de\k đing diap ayup ngui, hơmâo gong kơni pe\ mơak laih anun adoh suang djă tơngan hrom jơngum kơdok kơdor…

Anun le\ tơlơi phiăn mơ\ng djuai ania K’Ho [ing ta dơ\ng mơ\ng đưm đă ră hlâo laih [u thâo rơngiă ôh, truh ră anai ăt khom djă pioh đô].

-Hnun yơh ho\! Amăng sa thun djuai ania K’Ho hơmâo lu tơlơi ngă yang ngui ngor. Tui anun yơh, tơlơi ngă yang pơpă yom hloh amăng thun mơ\ng djuai ania K’Ho?

-Ơi K’Chung: Hăng djuai ania K’Ho ta mông ngă yang yom biă mă `u laih anun mơak mơn [u dưi wor h^ ôh, anun le\ ngă yang huă asơi hle.

Tơlơi ngă yang anai kiăng rơkâo brơi ană plơi trơi pơđao yâo mơak, ngă yang kiăng thun rơnang phang rơnuk, pơdai jor kơtor lu amăng hmua, plơi pla rơnôm soh.

Dua le\, tơlơi pơdo\ rơkơi bơnai, yua dah djuai ania K’Ho lăng yom dơ\ng mơ\ng đưm, lơ\m ană mơnuih phrâo tơkeng rai truh kơ prong khom pơdo\ rơkơi bơnai kiăng hơmâo kơnung djuai phung wang, pơjeh djuai drah kơtăk.

Tu] rơnu] le\ hơdor kơ hrơi ta tơbiă rai mơ\ng kian am^…anun yơh hơdôm tơlơi ngă yang gru grua đưm mơak kiăng djă pioh hăng pơlar tui mơ\ng djuai ania K’Ho.

-Ơ lah, ih hơmâo tơlơi ]ang rơmang hơge\t dơ\ng kiăng gru grua mơ\ng djuai ania K’Ho lăi pha, djop djuai ania [iă pơko\n ăt hnun mơn, dưi djă pioh pơđ^ tui na nao ?

-Ơi K’Chung: Kâo ]ang rơmang djop gưl anom bruă kơnuk kơna khom gleng nao hơdôm ]ô mơnuih ngă bruă kah hăng kâo anai pioh pơtô glăi gru grua lu hloh.

Yua dah hu\i lu thun, tha rơma tui, pran jua pơ-ai buai, ơi yă plơi atâo iâu glăi le\ gru grua đưm amra rơngiă h^.

Kiăng djru grup atông ]ing ring hơgor mă bruă tu\ yua hloh. {ing ngă bruă gru grua kah hăng gơmơi anai, yua tơring glông wai lăng.

Tơdah djru ngă gêh gal, amra gir run lu hloh amăng bruă pơtô atông ]ing, pe\ gong ayup kơni ăt kah hăng adoh tơlơi adoh pơtưh đưm djuai ania.

Kâo hyu hơduah e\p djă pioh lu mơta tơlơi ngă yang, ngui ngor phiăn đưm djuai ania K’Ho ta laih anun kâo amra pơtô glăi abih hơge\t tơlơi kâo thâo gah gru grua djuai ania K’Ho.

-Ô, hiam yơh, bơni kơ ih lu biă mă. }ang rơmang ih hiam drơi jăn na nao pioh pơtô glăi kơ ană tơ]ô tơlơi thâo thăi gru grua đưm djuai ania K’Ho !

Nay Jek: Pô ]ih hăng pôr