VOV4.Jarai - Ơi kơhnâo A Tiêp, do\ [ơi [uôn Kon Wang (să Ea Yiêng, Krông Pac\, Daklak) le\ sa c\ô mơnuih hor biă kơ djuai gong brô| Hơdang. Rơngiao mơng bruă hyu hơduah e\p jua c\ing đưm, tơlơi adoh djuai ania pô, `u ăt hyu pơtô pơblang hăng pơtô adoh kơ [ing hlăk ai.

Truh ră anai, `u iâu pơthưr ako\ pơjing 4 grup atong c\ing – adoh soang, bơwih brơi mông ngui ngơr, ngă lơphet, pơbưp nao rai plơi pla, djru djă pioh gru grua djuai ania Hơdang.

Ơi kơhnâo A Tiêp thâo pe\ gong brô| hăng hăng tơlơi hor, muaih biă mă, sit amăng pran jua, jê| giăm kah hăng pô `u anun mơn. ~u ră ruai, rim hmư\ jua mơ`i, er adoh `u [u thâo do\ hơđong dong tah.

Jua mơ`i hmư\ kơdrưh biă mă, jua c\ing mơ`i djring djring, er mơ`i rơnguă mơng gong ting ning, hmư\ hiưm amăng pran jua mơng jua mơ`i klông put, hmư\ rơngôt, phôn kơ pran mơng tơlơi adoh rơngê, ting ting…

‘’Lơm hmư\ arăng atông c\ing ngă kâo pơhưc\ pơhac\ pran jua, kâo dik dăk [u thâo do\ hơđong dong tah. Yua anun, kâo [u dưi ngă rơngiă ôh jua c\ing mơng ơi yă ta đưm.

Kâo hyu e\p [ing kơhnâo amăng plơi c\i hrăm atông c\ing. Yua dah, [ing met, [ing wa lêng kơ tha soh yơh, đa djai laih. Yua pran jua khăp muaih, hor biă mă, yua anun kâo gir pơtô brơi hăng ako\ pơjing 4 grup atong c\ing, amăng anun hơmâo 2 grup atông c\ing thun do\ mơdrah, hăng 2 grup hlăk ai.

Kâo pơtô hăng pran jua khăp, [u pơgô| kơ arăng ôh, [udah yua kơ prăk kăk hơget ôh. Kơnong c\ang rơmang adơi đeh thâo djă gor atông c\ing, thâo atông, kiăng tui anun đôc\ yơh, kâo jing hơmâo pran mơtăm yơh, ngă bruă pơtô ba [ing c\ơđai djo\p mơta tơlơi kâo thâo’’.

Ră anai, pô kơhnâo A Tiêp, glăk pơtô atông c\ing kơ 24 c\ô hlăk ai amăng plơi. Rim wơ\t hrơi tơjuh, rim tlam hrơi năm hăng hrơi tơjuh, [ing adơi đeh pơ[ut [ơi sang `u hrăm atông c\ing laih anun hơdua e\p gru grua mơng đưm.

Sang hră hrăm mơ-ak biă yua hơmâo lu c\ơđai rai hrăm mơng plơi pơko\n. Yua lu mơnuih hrăm, ơi A Tiêp pơkra thim c\ing kram dong kiăng [ing gơ`u hrăm atông. Lơm [ing adơi đeh thâo atông rơguăt yơh c\ing kram kah `u mơng pơtô atông c\ing. Adơi A Yih, 13 thun, do\ [ơi plơi Kon Wang brơi thâo:

‘’Kâo amuaih hrăm atông c\ing, truh ră anai hơmâo hrăm kraih 5 blan laih. Kâo thâo atông rơguăt 2 jua c\ing laih’’.

Đăo gơnang kơ tơlơi rơgơi hăng pran jua klă mơng tha kơhnâo A Tiêp, tha plơi plơi Kon Wang jao kơ `u djă pioh hăng wai lăng dua ring c\ing đưm, kah hăng c\ing Hlêng 12 boh hăng c\ing Boa 6 boh.

Lơm plơi pla hơmâo tơlơi ngui ngơr yôm kah hlăk ai mơng dưi mă c\ing nao hrăm hăng atông. Hăng tơngan rơgơi bruă mơng ơi A Tiêp hăng [ing hlăk ai hiam pran jua [ơi plơi Kon Wang, jua mơ`i kơdrưh ang mơng djo\p djuai c\ing jai hrơi jai bang hyu, ngă pơhưc\ lu hlăk ai nao hrăm, kiăng thâo hluh hloh kơ tơlơi adoh soang, gru grua djuai ania pô.

Rơngiao mơng bruă pơtô glăi kơ rơnuk hlăk ai atông c\ing, adoh soang hăng mă yua djuai gong brô|, pô kơhnâo ơi A Tiêp ăt hor hyu e\p gru grua mơng đưm. ~u hyu tơ`a [ing tha kơhnâo kiăng thâo lu tơlơi atông c\ing, tơlơi adoh…

~u pơkra hăng atông gong ting ning hăng lu jua mơ`i phara, c\ih tơlơi adoh phrâo kiăo tui er adoh rơngê, ting ting…hơdôm tơlơi adoh phrâo yua `u c\ih hơmâo tơlơi adoh lăi nao lu bruă phara kah hăng: pơngui adơi, pơsur ngă hmua, pơtô ană tơc\ô, bơni kơ plơi pla, adoh pơtưh tơdăm dra…

Pran jua hor, thâo pơc\eh phrâo hăng gru grua djuai ania [iă mơng pô kơhnâo A Tiêp, jing ngă pơhưc\ pran jua kơ net met amăng plơi.

{u kơnong hyu atông, adoh amăng bruă prong mơng plơi pla đôc\ ôh, amăng thun blan rơgao, 4 grup atông c\ing – adoh soang mơng plơi Kon Wang hơmâo nao atông amăng mông Jơnum adoh soang, Jơnum pơplông atông c\ing [ơi tơring tơring glông, tơring ]ar, laih anun lêng mă pri yôm.

Ơi A Điết, pô apăn bruă gru grua – pôr pơhing să Ea Yiêng, Krông Pac\, Daklak brơi thâo:

‘’Ơi A Tiêp pơgop lu biă mă amăng bruă djă pioh răk rem gru grua hiam mơng djuai ania [iă [ơi anai. Kâo đăo gơnang hăng pơpu\ biă mă tơlơi rơgơi mơng ơi A Tiêp, hăng tơlơi rơgơi, pran jua amuaih ngă bruă, `u jing ngă mơdưh jua c\ing mơng djuai ania Hơdang bang hyu djo\p anih’’.

Kiăng jua c\ing hmư\ hyu djo\p anih hloh, c\ang rơmang rim c\ô mơnuih [ơi kual C|ư\ Siăng anai lêng thâo hluh hăng djă pioh gru grua mơng djuai ania pô kah hăng pô kơhnâo A Tiêp.

Tui anun kah jua c\ing lêng mơ`i mơ-ak, hơmâo kơdrưh, gru grua atông c\ing brô| lêng hmư\ dik dăk, pơhưc\ pơhac\ amăng pran jua, ngă abih bang mơnuih lăng kơdrưh, hơmâo pran yua kơ gru grua hiam [ơi kual C|ư\ Siăng.

                                                                Siu H’Mai: Pô c\ih hăng pôr