VOV4.Jarai - Yua bơbec\ sat mơng klin Covid-19 ngă kơ lu mơnuih [on sang rin [un [ơi Daklak jai tơnap hloh. Amăng tơlơi tơnap tap tui anun, tơlơi thâo pap thâo djru hơmâo [ơu lu anih. Bruă ngă “Kơthung braih blah ayăt”, “Kơthung braih djru rơmon rơpa”, iâu pơthưr mơnuih [on sang thâo djru nao rai tơdruă mơng Wa Hồ mơng 75 thun hlâo hơmâo rơnuk anai djă pioh, hla tui.

Djă ba 100 klăk prăk nao pơ Jơnum min mơnuih [on sang să C|ư\ Êbur, plơi prong Buôn Ma Thuột, Daklak djru ba mơnuih tơnap tap bơbec\ yua klin Covid-19, rơkơi bơnai ayong Đào Văn Nhân, do\ [ơi [uôn Đung, să C|ư\ Êbur brơi thâo: anai le\ mrô prăk `u pơđom lui amăng 3 thun rơgao.

Mơng mrô prăk 100 klăk yua rơkơi bơnai ayong Nhân djru, Jơnum min mơnuih [on sang să C|ư\ Êbur mă yua ha mơkrah blơi ia jrao pơdjai kman, khăn gôm [ô| kơ [ing mă bruă pơ sang ia jrao glăk pơgang klin laih anun brơi braih hro\m hăng lu gơnam yua pơko\n dong [ơk kơ 100 boh sang ano\ rin [ơi să. Ayong Nhân brơi thâo, abih bang lêng hơmâo mơng bruă `u hrăm hăng hla tui hơdră bruă “Kơthung braih djru rơmon rơpa” mơng Wa Hồ:

“Mơng hlâo truh ră anai kâo pơmin amra ngă bruă hơget mơn c\i djru ba mơnuih [on sang, ăt mơng hlâo laih, kâo pioh pơđom lui rim hrơi, pơkrem prăk kăk tui anun yơh. Biă `u rơkơi bơnai gơmơi bơwih [ong [u pơdrong hơget lơi, samơ\ mrô prăk anai kâo pioh lui sui laih, kâo prăp lui hơđăp laih, yua anun lơ\m hơmâo klin le\ kâo teng pơbui lo\n djru ba mơnuih tơnap. Mrô prăk anai kâo pioh djru kơ [ing glăk pơgang klin hăng djru kơ hơdôm boh sang ano\ tơnap tap”.

Rơkơi bơnai ayong Đào Văn Nhân brơi 100 klăk prăk djru kơ mơnuih [on sang pơgang klin Covid-19.

Măi ATM braih blung a [ơi kual Dăp kơdư hơmâo pơdong [ơi Daklak ăt tơbiă mơng tơlơi pơmin hrăm hăng hla tui hơdră bruă “Kơthung braih blah ayăt”, “Kơthung braih djru rơmon rơpa” yua Wa Hồ pơphun ngă amăng rơnuk thun 1945.

Hơdră anai yua Khul pơlir hơbit hlăk ai Daklak, Grup wai lăng Jơlan pơđok hră kơphê Buôn Ma Thuột hăng Kông yi TNHH s^ mơdrô hăng c\uă ngui Ngày Mới pơphun ngă. Hơdră anai hmao tlôn dong tah ngă pơhưc\ lu mơnuih đing nao, gum djru, lu mơnuih ba nao braih djru kơ măi ATM braih [ơk kơ sang ano\ rin.

Bang hyu tơlơi thâo pap anai, mơng lơ 13 truh lơ 30 blan 4 phrâo rơgao, 8 boh măi ATM braih hơmâo pơdong [ơi hơdôm boh tơring glông ]i Daklak, hăng mrô braih hơmâo arăng brơi rơbêh kơ 100 tơn. Lu mơnuih tơnap tap, sang ano\ rin rơpa yua hnun mơn mơng hơmâo braih huă, hơmâo pran jua pơgang klin, laih anun amăng [rư\ dưi pơgang klin.

Mơnuih [on sang rin rơpa nao pơ măi ATM braih [ơi Daklak mă braih.

Ră ruai kơ tơlơi pơmin pơdong măi ATM braih [ơi Daklak, ayong Phạm Thanh Tuấn, Khua git gai kông ti TNHH Jơlan pơđok hră mơ`um kơphê Buôn Ma Thuột, mơnuih gum djru prong hloh kơ măi ATM [ơi Daklak brơi thâo:

“Mơng tơlơi pơmin mơng Wa Hồ bơdjơ\ nao tơlơi thâo pap, thâo c\ơđôp nao rai, hla hnil anung ba hla tơ\i phơ\i le\ gru grua hiam mơng hlâo truh ră anai laih, jing kâo pơmin sit tơlơi pơmin thâo pap nao rai tơdruă mơng Wa Hồ yơh kah hăng tơlơi ba jơlan mơ\ hơdôm khul, grup djru thâo pap mơnuih mơnam lăng tui kah hăng hơdră ngă bruă.

Tơdah kiăo tui hơdră ngă bruă anun le\ kâo đăo gơnang abih bang kơc\ăo bruă lêng dưi ngă. Hơdră pơdong măi ATM braih le\ tơlơi ră ruai kiăng lu mơnuih hmư\ hing, hla tui, măi anai [u djơ\ măi mơyang dưi hrưh braih ôh mơ\ mơng tơlơi hmư\ hing mơng măi anai amra pơtrut tui pran jua thâo pap, thâo djru nao rai tơdruă”.

Amăng mông hơmâo klin Covid-19, [u kơnong mơnuih mă bruă rin rơpa bơbec\ yua hăng kiăng hơmâo tơlơi djru đôc\ ôh mơ\, mơnuih ngă hmua [ơi Daklak ăt bưp lu tơlơi tơnap mơn amăng bruă ba s^ gơnam, biă `u le\ hơdôm mơta gơnam glăk truh bơyan pe\ pơhrui. {ơi anăp tơlơi anun, lu khul, grup, mơnuih mơnam gum djru pơsur arăng blơi gơnam, blơi ha bơnah gơmam kiăng djru kơ neh met wa huăi rơngiă gơnam, huac\ prăk đôc\ đac\.

Hmư\ hing amăng bruă djru blơi gơnam mơng hmua mơng neh met wa amăng mông hơmâo klin anai le\ Kông ti pơc\ruh ngăn pơkra hăng djru bruă ngă hmua Hương Cao Nguyên yua amai Nguyễn Thị Xuân Hương ngă khua. ~u hlâo adih le\ mơnuih apăn bruă mơng Khul ngă hmua, amai Hương thâo hluh biă kơ tơlơi rơngiă mơng neh met wa lơ\m truh bơyan pe\ pơhrui mơ\ [u thâo anih ba hyu s^ yua anun, amai Hương đuăi hyu lăng djop kual pla mơkai, boh [ơr, boh vải [ơi Daklak sem lăng.

Tơdơi kơ thâo mrô pơhrui mơng hơdôm mơta gơnam anai, amai Hương pơtruh nao rai hăng hơdôm boh sang s^ gơnam [ong huă, siêu thị [ơi plơi prong Buôn ma Thuột c\i ba s^ gơnam kơ neh met wa. Amai Hương brơi thâo, tơlơi tu\ yua prong hloh le\ pran jua gum hro\m mơng hơdôm anom bruă, mơnuih mơnam [ơi tơring ]ar.

“Tơdơi kơ dưi pơgang klin Covid-19 hăng tơdơi kơ hơdôm bruă gum djru amăng hrơi blan rơgao pioh kơ mơnuih rin rơpa ăt kah hăng bruă djru mơnuih mơnam pơko\n dong kah hăng djru neh met wa blơi gơnam tam le\ [uh laih pran jua hrăm tui Wa Hồ mơng rim c\ô ană mơnuih Việt Nam, anun le\ tơlơi yôm biă mă, mơng bruă anet biă mă, laih anun tơlơi kơdrưh kơ-ang kơ tơlơi anai prong biă mă.

Pran jua kơdrưh kơ djuai ania, kơ gru grua hiam mơng mơnuih [on sang Việt Nam ăt kah hăg gru kơnuih hiam, bang bơngac\ mơng Hồ Chí Minh kơ tơlơi thâo gum djru nao rai hla hnil anung ba hla tơ\i phơ\i mơng ană mơnuih Việt Nam ta amăng mông tơnap hloh”.

Amai Nguyễn Thị Xuân Hương nao truh pơ đang mơkai sem lăng hăng e\p hơdră djru kơ neh met wa.

Gru hiam mơng Wa Hồ hăng hơdôm tơlơi ruă ruai bang bơngac\ tơlơi khăp pap, thâo djru nao rai, ră anai hơmâo rơnuk ană tơc\ô mô yâo hla tui hăng pơtrut đ^ amăng mông hơmâo klin Covid-19.

Hơdôm pran jua klă hiam anai jing gum pơgôp, djru nao rai, ngă pơđao pran jua mơnuih tơnap tap, rim rơpa amăng mông hơmâo klin, bơbuă tui gru grua thâo djru nao rai tơdruă mơng djuai ania ta, jing yôm hloh amăng hơdôm hrơi blan 5 hing ang, kah hăng bơnga hiam pơyơr đ^ kơ Wa amăng hrơi 130 thun hrơi tơkeng Khua mir sir Hồ Chí Minh.

Siu H’Mai: Pơblang hăng pôr