VOV4.Jarai - Mơnuih [on sang kho\m hyu ataih mơ\ng plơi pla hơdôm km kiăng hơduah ia yua, [udah kho\m yua ia mơ\ng hơdôm luh ia po\ng [ơi hmua pơdai, kơtuai honoh, ia yua ăt [u hơdjă lơi.

Anai le\ tơlơi glăk [uh [ơi tơring glông Di Linh tơring c\ar Lâm Đồng. Không phang [rư\ thun kơtang tui ngă kơ hơdôm ring bruă pơđoh ia yua kơ ană plơi pla, ring bruă anet kar hăng ring bruă prong thu kho\t abih.

R^m hrơi tui anun yơh, truh kơ yang hrơi tlam, yă Ngô Thị Kim Liên, do\ [ơi plơi Hàng Làng, să Gung Réh, tơring glông Di Linh ( Lâm Đồng) tol ba kơthung kơsu amăng rơdêh, hyu ataih hơdôm km kiăng hơduah ia ba glăi yua.

Sa amăng hơdôm ring bruă khuer ia yua brơi ană plơi pla kho\m pơdơi mă bruă yua kơ amăng atur lo\n khôt abih ia

Yă Liên brơi thâo, bơyan không phang anai pơ-iă kơtang đơi, luh ia bơmun sang ano\ `u kho\t ia abih mơ\ng 2 blan hlâo anun; hơdôm luh ia khoer amăng plơi pla ăt kho\t mơ\n.

Yua anun kiăng kơ hơmâo ia yua r^m hrơi, djop sang ano\ kho\m đuăi hyu ataih kiăng hơduah ia ba glăi yua.

Mơnuih hyu hơduah ia lu [r^ [r^ kar hăng nao sang c\ơ ngă kơ tơlơi hơdip jai hrơi tơnap nap tui:

Hyu hơduah ia gleh glar biă mă, đa [u hơmâo ia ba glăi pơ sang lơi, hơduah arăng brơi kah mơ\ng pơdu\ glăi tơdah arăng [u brơi ăt glăi soh sel mơ\n. Mơnuih [on sang [ơi anai kơ[ah ia biă mă, djop sang ano\ lêng kơ hyu pơgiăng ia yua.

Sang ano\ gơmơi ră anai [u hơmâo ia do\ng tah yua anun kho\m hyu hơduah ataih pơ Tơdrông 2, tơguăn truh tlam arăng glăi mơ\ng đang hmua kâo nao hơduah 2 wo\t pơgiăng hơmâo 6 kơthung, ăt kho\m yua [ơ[iă đôc\, pơkrem kah mơ\ng djop. Bơ boh sum ao sa wo\t hrơi tơjuh boh sa wo\t đôc\.

Mơnuih [on sang hyu hơduah ia ba glăi yua pơkrem r^m hrơi

Tui hăng ơi K’Keo, Khoa apăn bruă Ping gah [ut plơi Hàng Làng, hơdôm thun hlâo adih, kiăng kơ pơsir brơi ia yua kơ ană plơi pla [ơi anai, Kơnuk kơna ta hơmâo klơi 2 luh ia po\ng hăng khuer 2 luh ia hơmâo đing pơđoh nao djop sang ano\...

Samơ\, ia amăng tur lo\n kho\t ta` đơi, ngă kơ hơdôm ring bruă pơđoh ia yua anai kho\m pơdơi bruă yua kơ ia po\ng kho\t abih ia.

Mơnuih [on sang hăng gong gai [on lan hơmâo e\p lu hơdră kiăng pơsir h^, samơ\ lêng kơ [u ba glăi boh tu\ yua.

Mơ\ng hơdôm thun hlâo adih [ing gơmơi hơmâo rơkâo đ^ tơring c\ar, tơring glông tuh pơ alin, djru pơkra ming samơ\ truh bơyan phang ăt [u hơmâo ia yua lơi.

Tơdah tui hăng anai le\ [u pơkra ming, ring bruă răm rai, [u klă tơdah tuh pơ alin klơi ia bơmun do\ng amra hro\ prăk Kơnuk kơna đôc\.

Ră anai neh met wa yua luh ia bơmun sang ano\ pô, samơ\ dưi yua amăng bơyan hơjan đôc\ bơ amăng bơyan phang ia po\ng ăt thu kho\t abih ia mơ\n.

Lu mơnuih kho\m hyu pơgiăng hăng rơdêh, djă ba kơthung hyu ataih mơ\ng plơi pla hơduah ia, ră anai tơlơi hơdip glăk tơnap tap tui anun’’

Ơi Lê Văn Thanh, Kơ-iăng Khoa Jơnum min mơnuih [on sang să Gung Réh, tơring glông Di Linh brơi thâo, không phang r^m thun [ơ[rư\ kơtang tui.

Hơdôm bơyan phang giăm anai, mơnuih [on sang amăng să kho\m yua ia khu\, biă mă `u le\ neh met wa djuai ania [iă [ơi [ut plơi Hàng Làng.

Tơlơi hơdip kơ neh met wa ră anai gơnang nao kơnong luh ia bơmun sang ano\, truh bơyan không phang kơtang tui ră anai tơnap biă e\p ia yua amăng sang ano\, gah rơngiao kơ ia amăng tur lo\n kho\t tui, ia hơdjă yua ăt [u hơmâo lơi.

Yua anun, amăng plơi pla truh bơyan phang mơnuih [on sang bơngô|t biă hăng pap biă neh met wa lơ\m kơ[ah ia yua r^m hrơi.

Tơlơi anai [uh [ơi [ut plơi Hàng Làng le\ plơi pla tơnap tap biă, tui hăng kơc\ăo bruă pơ anăp anai tơring glông amra pioh prăk tuh pơ alin kiăng kơ jơlan hơdră ia hơdjă đing nao kơ bruă anai.’’

Gah rơngiao kơ să Gung Réh, bruă kơ[ah ia yua amăng bơyan phang ăt [uh mơ\n [ơi hơdôm să pơko\n amăng tơring glông Di Linh hơmâo:

să Gia Hiệp, Đinh Lạc, Tân Nghĩa, Tân Lâm, Tân Thượng, Tân Châu, Đình Trang Thượng, Bảo Thuận, Sơn Điền, Gia Bắc …

Tui hăng tơlơi pơhu\i hlâo, adai không phang amăng thun anai [ơi kual C|ư\ Siăng do\ sui do\ng. Bruă kơ[ah ia yua [ơi tơring glông Di Linh amra jai hrơi kơtang tui.

Mơnuih [on sang wo\t gong gai [on lan aka thâo ngă hiưm pă amăng hrơi blan pơ anăp anai.

Yua kơ tui hăng Jơnum min mơnuih [on sang tơring glông Di Linh, bruă pơđoh ia mơ\ng tơring glông ba nao pơ hơdôm să kual ataih,asuek tơdah dưi man pơkra ăt amăng sui thun kah mơ\ng giong.

Si Đoan: Pô c\ih hăng pôr