VOV4.Jarai-Lơ 2/12, tơring čar Lâm Đồng čih pioh hơmâo dơ̆ng 129 čô mơnuih ƀă Covid 19 phrâo, pơđĭ tui mrô mơnuih duăm ruă ƀă klin amăng tơring čar truh 3.623 čô. Mrô mơnuih ƀă Covid 19 ƀơi Lâm Đồng đĭ tui 9 wơ̆t pơkă hăng hrơi pok pơhai rô nao rai tơdơi kơ pơčlah mơnuih mơnam.

Kiăng plai ƀiă kơniă hơdôm anih dŏ pơjrao, Lâm Đồng brơi pơjrao F0 pơ sang anŏ

Kiăng plai ƀiă kơniă hơdôm anih pơjrao mơnuih ruă Covid 19, Jơnum min mơnuih ƀôn sang tơring čar Lâm Đồng pơsit ngă tui akŏ bruă pơjrao kơ ƀing F0 pơ sang anŏ mơtam. Tui hăng anun, F0 dưi pơjrao pơ sang anŏ lĕ mơnuih ƀă klin samơ̆ ƀu tơhnal mưn duăm ruă ôh, ƀudah duăm mơ̆n djong đôč; ƀu ƀuh ruă tơl brah kơsô̆ ƀudah kơƀah oxy suă pran, laih anun mơnuih arăng tlâ̆o brơi djop 2 arăt vaccine laih ƀudah sa arăt vaccine laih pơgang Covid 19 tơdơi kơ 14 hrơi….

Rơngiao kơ anun, F0 dưi pơjrao ƀơi sang anŏ dŏ ngă djơ̆ tơlơi gêh găl tui hluai sang anŏ, anih dŏ, djop gơnam yua ƀudah gơnam yua ba pơjrao pioh dŏ phara hơjăn pơčlah hĭ mơnuih amăng sang anŏ.

Nay Jek: Pơblang