VOV4.Jarai - Amăng tơlơi lăi pơthâo kơ bruă pơgang klin amăng ƀôn prong Hồ Chí Minh tlam lơ 16/9, brơi ƀuh mrô mơnuih djai yua ƀă klin Covid-19 ƀơi ƀôn prong Hồ Chí Minh glăk hrŏ trun amăng hơdôm hrơi giăm anai, samơ̆ mrô mơnuih phrâo ƀă ăt dŏ lu. Sit biă ñu, amăngh lơ 15/9, ƀôn prong Hồ Chí Minh hơmâo 160 čô mơnuih djai, aset hloh amăng ha blan laih rơgao hăng dưm kơnar hăng akŏ blan 8; hơmâo rơbêh 2.500 čô mơnuih pơjrao suaih dưi glăi pơ sang, đĭ tui mrô mơnuih pơjrao suaih mơng blan 1/2021 truh ră anai lĕ 161.000 čô, ră anai glăk dŏ pơjrao lĕ rơbêh 41.000 čô. Samơ̆ sa bruă ngă sat hloh lĕ mrô mơnuih ƀă klin Covid-19 dŏ lu. Lăi nao tơlơi anai, Kơ-iăng Khua gơnong bruă ia jrao ƀôn prong Hồ Chí Minh Nguyễn Hoài Nam brơi thâo: Ƀôn prong hơmâo ngă tui hơdră pơčrang lăng ječ ameč djop anih hăng pơčrang lok nao lok rai ƀơi kual glăk hơmâo lu mơnuih ƀă klin anun lĕ “kual mriah, kual kơñĭ”, hơmâo anih pơčrang lăng mơng 7-8 wŏt laih. Mrô mơnuih phrâo ƀă klin hrŏ trun lu, dŏ kơnong mơng 4000 - 6000 čô.

Siu Đoan: Pơblang