VOV4.Jarai - Ƀơi anăp kơ tơlơi tơnap tap mơng klin Covid-19 ƀơi tơring čar Daklak lơ̆m ƀuh lu mơnuih ƀă klin amăng sa hrơi, gơnong brua wia jrao tơring čar Daklak hơmâo pơtrun akŏ bruă kiăng kơ pơjrao brơi mơnuih ƀă klin Covid-19. Hrŏm hăng anun kơtưn amăng bruă pơjrao tơl sang mơnuih ƀon sang, sang ia jrao pơjrao brơi mơnuih ƀă klin, anŏ phara mơng akŏ bruă anai lĕ tơring čar amra wai lăng hăng pơjrao brơi mơnuih F0 pơ sang, pơplih abih bruă khăm pơjrao ƀơi hơdôm anom bruă ia jrao jing anih pơjrao brơi mơnuih ƀă klin Covid-19.

Tui anun, amra pơjrao brơi mơnuih ƀă klin pơ sang lĕ ƀing ƀu mưn hơget amăng drơi jăn, anai lĕ tơlơi rơkâo djơ̆ hăng tơlơi kiăng mơng Ding jum ia jrao kơ bruă pơjrao brơi mơnuih ƀă klin pơ sang, ƀing nai ia jrao, gong gai ƀon lan pel ĕp hăng lăi pơthâo hơdôm tơlơi gal. Amăng lơ 2/11 tơring čar Daklak hơmâo 102 čô mơnuih ƀă klin Covid-19, amăng anun hơmâo 44 čô mơnuih lar hyu amăng mơnuih mơnam, đĭ tui mrô mơnuih ƀă klin Covid-19 amăng đơ đam tơring čar lĕ 4.396 čô.

Siu Đoan: Pơblang