VOV4.Jarai – Ră anai `u 70 thun laih, samơ\ nai pơtô – Nghệ nhân ưu tú Y Blưn (djuai ania Bahnar) [ơi tơring ]ar Kontum ăt gir kơ bruă pơtô tơlơi djuai ania pô mơn, laih dong hơmâo lu bruă djru djă pioh hăng pơtrut đ^ gru grua boh thâo mơng đưm.

Mơng anet truh kơ prong do\ pơ Kon Tum Kơ Pơng, sa amăng hơdôm plơi pla djuai ania Bahnar do\ giăm ia krông Đak Bla hiam, mơng anet Y Blưn hơmâo am^ ama brơi hrăm hră laih anun jing sa amăng [iă đôc\ nai pơtô djuai ania [iă blung a [ơi Kon Tum tơdơi hrơi rơngai kual Dơnung.

Blung a, bruă nao pơtô c\ơđai bưp lu tơnap tap biă mă yua aka [u hơmâo hơdrôm hră sit nik pơtô tơlơi Bahnar, rim c\ô nai c\ih pơkra, hơduah e\p mă. Samơ\ nai Y Blưn pơtô amu` [iă yua `u le\ mơnuih djuai ania Bahnar, thâo tơlơi Bahnar, thâo hluh kơ gru grua, tơlơi phiăn Bahnar, do\ hơdip hro\m hơbit hăng pơtô kiăo tui tơlơi thâo rơgơi mơng pô `u.

Hăng tơlơi thâo rơgơi, apăn bruă pơtô hrăm hăng hơmâo pran jua gir kơ bruă, nai pơtô Y Blưn pơtô hăng tơlơi Bahnar tơlơi pơtô yôm, hơmâo ano\ yua amăng tơlơi hơdip, [u kơnong kơ tơlơi Bahnar đôc\ ôh, `u pơtô gru grua boh thâo đưm, pơtô anih anom, lon tơnah…mơng djuai ania Bahnar.

Ră anai `u pơdơi lơtret laih, smaơ\ nai Y Blưn ăt [u pơdơi bruă lơi, yua `u do\ hơmâo pran jua laih anun dưi djru kơ mơnuih mơnam. Yua hnun, `u tu\ ư ngă nai pơtô tơlơi Bahnar [ơi Sang hră pơtô hrăm na nao tơring ]ar hăng Anom bruă pơtô kơđi ]ar plơi prong Kontum.

Nghệ nhân ưu tú Y Blưn.

Nai Y Blưn pơtô brơi hơdră hơtuk rơyă tơnă hơbai a`ăm djuai ania Bahnar.

Jing mơnuih djuai ania Bahnar, nai Y Blưn le\ pô thâo adoh suang amăng grup adoh suang [ơi plơi pla. ~u thâo suang tui gru djuai ania [iă, thâo atông c\ing hăng adoh tơlơi Bahnar. ~u pơtô suang, atông c\ing amu` hluh biă kiăng arăng ta` thâo.

Nai Y Blưn juăt nao pơtô brơi kơ lu rơnuk, biă mă `u le\ [ing hlăk ai [ơi hơdôm boh sang hră. Nai Y Blưn le\ pô ba pơ[uh c\ing kram pơ plơi Kon Tum Kơ Pơng, laih dong pơtô brơi hlăk ai hơtuk rơyă tơnă hơbai a`ăm djuai ania Bahnar.

Amăng ha wơ\t nao jơnum Ngui ngor atông c\ing kual Dăp kơdư [ơi Gialai, `u lăng pơhưc\ biă mă kơ jua c\ing hơgor mơng grup mơnuih kơhnâo kơhnăk mơng tơring ]ar pơko\n, yua hnun nai Y Blưn hơduah tơ`a laih anun pơtô glăi kơ ană đah rơkơi `u le\ A Long pơkra mă yua. Hăng hơdră pơtô glăi sit nik hăng pơc\eh phrâo, nai Y Blưn pơjing glăi er mơ`i mơng sa djuai gong brô|| đôc\ đac\, samơ\ ngă pơhưc\ hơtai boh pô pơhmư\.

{ơi thun 70, `u [u pral tui mơng hlâo dong tah, samơ\ nai pơtô – nghệ nhân ưu tú Y Blưn ăt aka [u lui ôh bruă djă pioh gru grua djuai ania pô. Nai Y Blưn kơdrưh biă mă yua amăng sang ano\ `u hơmâo 3 rơnuk to\ tui djă pioh hăng pơtrut đ^ gru grua boh thâo hiam mơng đưm hlâo, anun yơh tơlơi ngă mơ-ak pran jua nai Y Blưn, laih anun anai yơh tơlơi hơmâo lu mơnuih [u-eng, pơpu\ kơ `u.

Siu H’Mai: Pơblang hăng pôr