VOV4.Jarai – Neh Y Xay (50 thun), mơnuih djuai ania Hơdang, do\ [ơi [ut plơi Điêk Lò 1, să Ngọk Tem (tơring glông Kon Plông, tơring c\ar Kontum) le\ sa amăng [ing đah kơmơi mơnuih djuai ania [iă ba gru amăng pơđ^ kyar tơlơi bơwih [ong huă amăng sang ano\ [ơi tơring c\ar Kontum.

Gơnang mơng pran jua mă bruă hăng thâo pơc\eh phrâo mơng `u pô, Neh hơmâo pơjing hơbô| bruă pơđ^ kyar ngă hmua hăng pla pơjing lu phun kyâo, djuai rông [ơi kual lo\n krô kra` tơnap tap anai:

Neh Y Xay tơkeng amăng rơnuk dêh c\ar glăk blah wang pơkơdong ayăt Mi, [om m^n đôh ngă răm rai plơi pla, đang hmua, tơlơi hơdip kơ mơnuih rin rơpa, tơnap tap amăng sui thun yun blan.

Tơdơi kơ thun 1975, dêh c\ar pơklaih rơngai, mơnuh [on sang să Ngọk Tem gir run ngă đang hmua pơjing tơlơi hơdip phrâo lơ\m găn rơgao tơlơi tơnap tap gleh glar. Neh Y Xay brơi thâo:

Hlâo adih, tơlơi hơdip kơ sang ano\ [ing gơmơi kah hăng mơnuih [on sang amăng plơi bưp lu tơlơi tơlơi tơnap tap. Thun 1988, lơ\m kâo dô| rơkơi, kông ngăn dua rơkơi bơnai gơmơi kơnong sa boh sang pơdong hăng kyâo ale, rơpa asơi huă a`ăm [ong.

Hơmâo gong gai [on lan djru, kâo pơm^n kho\m pơklaih mơng rin rơpa hăng pran jua mă bruă gir kơtir mă pô. Kâo hrăm hăng hla tui arăng, rông mơnu\, un hăng c\ông jơnah jah glai, pok prong lo\n ngă hmua;

Pla 3 ektar phun hơbơi plum laih dong 3 ar phun kyâo keo. Prăk pơhrui đ^ tui [ơ[rư\ djop yua amăng sang ano\ hăng brơi ană bă nao hrăm hră dong.

Bơră ruai mă tui anun đôc\ samơ\ kiăng dưi ngă truh tơlơi anai ăt kho\m thâo pơkrem hăng gir run mă bruă amăng hơdôm pluh thun kah mơng dưi. Truh thun 2008, tơdơi kơ thun blan pơkrem, neh Y Xay tuh pơ alin pok prong 3 ektar hmua pla phun kơ`it ngă jrao.

Tơdơi kơ 1 thun đôc\, dưi pơhrui glăi rơbêh 70 klăk prăk. Sang ano\ `u to\ tui tuh pơ alin pok prong pla phun kơ`it kiăng kơ hơmâo dong prăk pơhrui, hrưn đ^ tơlơi hơdip kơ sang ano\.

Hro\m hăng bruă pla pơjing, sang ano\ neh Y Xay hơmâo rông dong 100 drơi mơnu\ hăng bip, 8 drơi rơmô hăng mă yua ha bơnah lo\n hmua pla a`ăm tam hơdjă, hơdôm djuai phun rơtă, kơtor kiăng kơ ngă jơman tui gơnam tam [ong huă amăng sang ano\ r^m hrơi, laih dong hơmâo a`ăm tam s^ mơdrô kơ sang hră gưl sang amăng să.

Yua anun, tơdơi kơ duh h^ abih prăk tuh pơ alin, sang ano\ `u dưi pơhrui glăi rơbêh 100 klăk prăk/thun, gum pơgôp ngă hơđong prăk pơhrui amăng sang ano\ hăng gêh gal amăng bruă brơi 4 c\ô ană hơmâo prăk hrăm hră.

Truh ră anai, sang ano\ `u hơmâo man pơdong laih sa sang pơprong, hơmâo lu gơnam tam yua măng sang ano\. Hro\m hăng bruă bơwih [ong huă, neh Y Xay ăt le\ sa c\ô mơnuih Ping gah ba gru hiam.

Amăng tơlơi hơdip, `u le\ mơnuih hmac\ jê| giăm hăng neh met wa amăng plơi pla; đing nao, pơlăi glăi tơlơi găn rơgao amăng pơđ^ kyar tơlơi bơwih [ong huă brơi mơnuih [on sang.

Lăi nao neh Y Xay, ơi Trần Văn Thiện – Khua Jơnum min mơnuih [on sang să Ngọk Tem brơi thâo: neh Y Xay le\ sa c\ô mơnuih ba gru amăng pơđ^ kyar bơwih [ong huă amăng sang ano\, gum pơgôp amăng jơlan hơdră man pơdong plơi pla phrâo [ơi să.

Siu Đoan: Pơblang hăng pôr