VOV4.Jarai- Amăng bơyan ngă hmua pla pơjing, juăt pơphun ngă lu yang gah đang hmua phara. Abih bơyan tơju\ pla, djuai ania K’ho [ơi Lâm Đồng juăt pơphun ngă yang ‘’Rao tơkai kơbao’’.

Anai le\ tơlơi ngă yang pơni kơ yang kơbao djru ană mơnuih ngă hmua pla pơjing, laih anun c\ang rơmang bơyan hiam klă hloh, trơi pơđao yâo mơ-ak.

Mơng đưm đă ră hlâo, abih bang sang ano\ djuai ania K’ho lêng rông kơbao. Tui hluai kơ sang ano\ mơ\n arăng rông aset [udah lu.

Sang ano\ rin le\ ăt hơmâo mơ\n sa drơi kơbao c\i dui rơdêh, kai lo\n. {ing sang ano\ pơdrong [iă le\ rông hơdôm pluh truh kơ ha rơtuh drơi.

Rơngiao mơng c\ing ceh, lo\n tơnah le\ kơbao jing rơnoh pơkă tơlơi pơdrong asah mơng sang ano\ hăng plơi pla djuai ania K’ho.

Yua kơbao yôm biă mă amăng tơlơi hơdip mơda, yua anun ri\m thun, djuai ania K’ho juăt pơphun ngă yang rao tơkai kơbao.

Ơi K’Thế, Kơ-iăng khoa Anom bruă gru grua pơrơguăt drơi jăn tơring glông Lâm Hà, Lâm Đồng, brơi thâo:

‘’Kơbao le\ ta mă yua dui rơdêh, djru kai hmua pơdai, trang, c\uk hmua dưm dơ\ c\i sai pơdai…kơbao djru ană mơnuih lu bruă ngă hmua pla pơjing.

Tơdơi hrơi rah pơdai giong le\, arăng wai kơbao klă biă mă, brơi [ong lu rok. Hro\m hăng anun sang ano\ pre lui c\i ngă yang rao tơkai kơbao, yua dah kơbao yơh pô djru ană mơnuih kai, kor lo\n, ngă hmua pơdai, hơmâo lu pơdai braih, yua anun [ing ta kho\m pơpu\ kơ kơbao yơh’’.

Tlam mơmot, tơdơi ta puh kơbao mut amăng war, pô ngă yang le\ đah rơkơi amra ngă yang ‘’Rao tơkai kơbao’’.

Gơnam ngă yang hơmâo sa drơi mơnu\ ([udah un tơdah sang ano\ hơmâo, rông lu kơbao), sa c\eh tơpai, sa boh get ia dơngeh so\ [ơi c\roh hnoh, sa boh pơtil pioh hơdăng mriah c\i c\uh trầm hương, sa boh mo\ng pioh hra kiăng kơbao liah nao’’.

Neh met wa pơdong gong drai [ơi anăp war kơbao, pơdah rai gơnam ngă yang kơbao. Ơi K’Thế brơi thâo tong ten hloh dong:

‘’Sang ano\ hơmâo kơbao amra pơdong gong drai [ơi wai rơmô, dui kơbao nao pơ ia krông c\i pơmơnơi brơi, tơdơi kơ anun truh tlam mơmot dui glăi pơmut amăng war, brơi kơbao liah hra, tuh ia brơi kơbao mơ`um.

Kiăo tui dong le\, pô ngă yang amra mă gơnam pơyơr kơ yang le\ sa drơi mơnu\, sa boh get tơpai,…phai tơpai, c\i bơni kơ kơbao, lăi pơhmư\ kơ yang rơbang thâo sang ano\ ngă laih yang rao tơkai kơbao’’.

Lơ\m phai yang giong mơtăm le\, pô phai mă drah mơnu\ pik nao [ơi gong drai, pik [ơi war kơbao, pik abih bang kơbao amăng war, hăng tơlơi c\ang rơmang pu\ kơbao anai amra hiam drơi, huăi klin tưp, kơbao hrôh ană.

Ngă yang giong le\, mơnu\ arăng ba glăi pơ sang, hơtuk să. Mơnong mơnu\ hăng pruăi, hơtai mơnu\ arăng s^ ana anet pioh amăng pơtil c\i ngă yang amăng sang dong.

Tơdơi kơ anun kơnung djuai, plơi pla gum rai mơ`um [ong hăng sang ano\ ngă yang ‘’rai tơkai kơbao’’ anai.

Blung a le\, pô ngă yang mơ`um tơpai hlâo, giong anun kah mơng iâu arăng mơ`um, mơng tha truh kơ c\ơđai, [ong rah mơ`um rah, [ing gơ`u ră ruai kơ tơlơi ngă hmua pla pơjing, pơtô, hla tui ngă hiư\m pă kiăng hơmâo lu pơdai braih.

{ing gơ`u ră ruai lu kơ tơlơi gum djru mơng pu\ kơbao amăng bruă ngă hmua. {ing gơ`u [uăn kơ pu\ kơbao mơng sang ano\ jai hrơi hrôh ană hloh. Tơlơi ngui ngor mơ`um [ong sui truh kơ tơpai tơba kah mơng pơdơi.

                                                                               Siu H’Mai: Pô c\ih hăng pôr