VOV4.Jarai- ~u le\ sa c\ô khoa wai lăng djo\p djuai ania [ơi [uôn Đrao, să C|ư\ Né, tơring glông Krông {uk, Daklak, ơi Y Tung Niê (arăng juăt iâu le\ ơi Choa) lêng thâo pơc\eh phrâo, pơ alum ană plơi bơwih [ong pơđ^ kyar, pơlir hơbit man pơdong plơi pla phrâo.

Hơdôm tơlơi djru mơng `u jing djru [uôn Đrao c\ơkă bơyan bơnga trơi pơđao yâo mơ-ak.

C|ơkă thun phrâo anai, Ơi Choa rơbêh 60 thun laih. Lu thun laih rơgao, mơnuih [on sang [uôn Đrao lêng kơ kiăng khăp pô ngă bruă wai lăng djo\p djuai ania Ơi Choa, yua `u lêng abih pran jua hăng bruă mă, hăng mơnuih [on sang.

Dong mơng bruă pơđ^ kyar bơwih [ong huă truh kơ bruă man pơdong plơi pla phrâo, Ơi Choa lêng ngă gru kơnuih ba jơlan hlâo iâu pơthưr neh met wa ngă tui.

Ama Non, khoa [uôn Đrao, brơi thâo, kiăng ană plơi gum hro\m ngă jơlan glông, ngă tơdron đă boh lông amăng plơi, Ơi Choa nao djo\p sang, lăi pơthâo rơđah rơđông kiăng arăng hluh.

Kơnong amăng thun 2017, `u iâu pơthưr ană plơi [uôn Đrao pơc\ruh rơbêh kơ 300 klăk prăk ngă jơlan amăng plơi hiam, agaih:

‘’Abih bang mơnuih [on sang amăng plơi hlơi hlơi lêng kơ hmư\ tui Ơi Choa soh.

Amăng bruă man pơdong jơlan amăng plơi, Ơi Choa [u kơnong djru prăk kăk c\i ngă jơlan, djru 2 c\i mah pioh man pơdong tơdron đă boh lông đôc\ ôh mơ\, `u iâu pơthưr ană plơi pơc\ruh prăk c\i man pơdong plơi pla phrâo dong’’.

Ơi Choa pơsit, hơmâo rơnuk rơnua hơđong kjăp kah mơng pơđ^ kyar bơwih [ong, yua anun ri\m wơ\t jơnum plơi, `u lêng pơtă pơtăn ană plơi.

~u lăi pơthâo pơ gong gai kơnuk kơna pơphun hyu iâu pơthưr ană plơi ngă tui jơlan hơdră mơng Ping gah, tơlơi phiăn mơng kơnuk kơna;

gum hro\m pơlir hơbit, lui h^ tơlơi phiăn [u klă [u hiam, pơtrut đ^ tơlơi bơwih [ong huă, hơdip mơda.

Lăi nao hơdôm tơlơi gum djru mơng Ơi Choa hăng plơi pla, ơi Y Sin Niê, Khoa jơnum min djo\p djuai ania mơnuih mơnam să C|ư\ Né, tơring glông Krông {uk, Daklak brơi thâo:

‘’Ơi Y Tung lêng kơ hyu iâu pơthưr ană plơi hơdip hiam kiăo tui tơlơi phiăn kơnuk kơna.

~u iâu pơthưr [ing ngă soh glăi [ong ia bah arăng đuăi nao dêh ]ar Kur pơ wơ\t glăi pơ plơi pla.

~u le\ sa c\ô mơnuih lêng gơgrong bruă arăng jao, gir run laih anun abih pran jua kơ tơlơi rơnuk rơnua hơđong kjăp amăng plơi pla’’.

Kiăng ngă klă tơlơi gơgrong bruă mơng sa c\o mơnuih apăn bruă iâu pơthưr, Ơi Choa le\ gru kơnuih mơnuih mă bruă rơgơi [ơi plơi pla.

Hăng rơbêh 5 ektar kơphê, yua thâo mă yua boh thâo ia rơgơi, pla kơplah nao phun sâu riêng, boh [ơr, ri\m thun sang ano\ Ơi Choa hơmâo pơhrui glăi ai `u 1 klai prăk.

Sang ano\ `u hơmâo sang do\ prong, hơmâo djo\p mơta, hơmâo rơdêh nao rai hăng bơwih brơi bruă pơgiăng gơnam tam kah hăng rơdêh ôtô, rơdêh dui…

Djru mơnuih [un rin [u kơnong hăng prăk, hăng braih đôc\ ôh, `u nao tơl sang ano\ pơtô brơi arăng hơdră wai lăng phun kơphê, pla phun boh troh… lăi pơthâo hơdră bơwih [ong huă hrưn đ^ pơklaih h^ [un rin.

Pơsit hơdôm tơlơi gum djru mơng `u, phrâo rơgao, Jơnum min mơnuih [on sang tơring ]ar Daklak brơi hră bơni hăng Ơi Choa, sa amăng 29 c\ô hơmâo kơnuih hiam ‘’Iâu pơthưr mơnuih [on sang rơgơi’’ amăng kual djuai ania [iă mơng tơring ]ar.

C|ơkă bơyan bơnga amăng tơlơi hơdip phrâo, Ơi Choa ră ruai:

‘’Kâo ngă bruă anai tơbiă amăng pran jua khăp kơ ană plơi pla. Amăng thun phrâo, kâo amra gir ngă truh kih bruă arăng jao, c\ang rơmang hơmâo lu tơlơi hiam klă truh pơ plơi pla.

Kâo kho\m ngă gru ba jơlan hlâo kiăng ană plơi ngă tui. Kâo amra gir run pơ alum pran jua mơnuih [on sang amăng plơi djru man pơdong plơi pla phrâo, laih anun jak iâu gum hro\m ngă pơlir hơbit djo\p djuai ania.

Kâo c\ang rơmang ri\m c\ô mơnuih lêng kơ hơmâo tơlơi hơdip trơi pơđao yâo mơ-ak soh’’.

                                                                Siu H’Mai: Pô c\ih hăng pôr