VOV4.Jarai- Ngă tui tơlơi jak iâu “Tar [ar ro\ng lo\n tơnah rao tơngan hăng ia ]ơ[u lơ 15/10” laih anun bruă mă pôr pơthâo tơlơi pơhing “Ngă hrom hơmâo 10 klăk plă tơngan rơgoh” yua Ding jum ia jrao dêh ]ar ta pơphun.

Phrâo anai, Sang ia jrao prong tơring ]ar Daklak hơmâo pơphun tơlơi pơplông, ngă lơphet rao tơngan thun 2016 kiăng pơđ^ tui boh yom mơng pla\ tơngan rơgoh kơ [ing ngă bruă gah anom bruă ia jrao wai lăng hăng pơgang tơlơi suaih pral kơ mơnuih duăm ruă.

Nao ngă hrom tal pơplông rao tơngan thun anai hơmâo giăm 300 ]ô mơnuih, jing [ing ơi ia jrao, nai ia jrao, [ing nai ia jrao mă [uai, djru tơlơi tơkeng ngă bruă sang ia jrao kơnuk kơna mơng 35 anom bruă, anih bruă amăng Sang ia jrao prong tơring ]ar Daklak.

{ing pơplông khom găn rơgao dua mơta tơlơi pơplông hơmâo: Pơplông lăi glăi tơlơi pơtô djơ\ hăng ngă tui tơlơi pơtô djơ\.

Amăng tơlơi pơplông ]ih pia lăi glăi tơlơi pơtô djơ\, khom lăi glăi 50 mơta tơlơi tơ`a ruah mă tơlơi lăi glăi djơ\ hloh kah hăng ano\ pơglăi mơng plă tơngan hơ[ak jrak; hơdôm tơlơi pơtô kơ bruă pơgang rơgoh plă tơngan; hơdră rao tơngan na nao; hơdôm tơlơi pơtrun jak iâu rao tơngan rơgoh mơng Anom bruă ia jrao jar kơmar hăng Ding jum ia jrao dêh ]ar ta pơphun laih anun hơdôm tơlơi pơtô, pơtruh brơi kơ tơlơi pơhing “Ngă hrom hơmâo 10 klăk plă tơngan rơgoh thun 2016”.

Ơi ia jrao chuyên khoa I, Lê Ka Thủy, Kơ-iăng khoa sang ia prong tơring ]ar Daklak, Kơ-iăng khoa pơphun tơlơi pơplông brơi thâo, anai le\ hơdră pơtô pơblang pơhlôm pơgang tơlơi ruă yua kman tưp:

“{ing ta khom pơtô pơblang hơdră pơhlôm pơgang tơlơi duăm ruă kman tưp hyu tui jơlan suă pran, jơlan kian pruăi, gleng nao kơ hơdră rao tơngan brơi rơgoh hăng ia ]ơ[u, rơnăk drơi jăn klă ăt kah hăng pơgang ayuh hyiăng anih anom ta do\. Bơ bruă pơtô brơi kơ mơnuih pơko\n thâo rao tơngan rơgoh djơ\ hơnong, [ing ta khom pơtô brơi djơ\ mông rao tơngan, kah hăng hlâo kơ [ong huă, prăp lui bruă wai lăng, ]em rông ]ơđai muai hăng sang ano\, rao tơngan laih glăi mơng juă glai. Khom rao tơngan hăng ia ]ơ[u; rao rơgoh, sut thu hăng akhan  jing sa hơdră pơgang kơ drơi jăn ta pô laih anun mơnuih iao gah”.

}răn pơplông rao tơngan hăng ia ]ơ[u pơphun [ơi anom Khoa nội A amăng sang ia jrao prong. {ing pơplông arăng pơpha jing 31 gru\p, sa gru\p 3 ]ô mơnuih, pơdah thâo bruă rao tơngan hăng ia ]ơ[u laih anun ia rơgoh, tui 6 yak pơphun rao tơngan yua kơ Ding jum ia jrao pơtrun, tơdơi kơ anun, arăng nao sem lăng r^m ]ô rao tơngan rơgoh dơ\ pă, mă yua măi pơ]rang hăng apui bơnga] e\p [uh kman.

{ing ]om puang pơkă tui boh tơhnal măi pơ]rang anun pioh brơi puăng. Ơi ia jrao Ngô Thị Linh-Anom pơjrao khoa cấp cứu, Sang ia jrao prong tơring ]ar Daklak lăi pơthâo `u mưn amăng pran jua mơng tơlơi pơplông anai:

“Rao tơngan djru pơgăn tơlơi tưp kman mơng mơnuih ruă anai truh pơ mơnuih pơko\n, tơlơi anun klă biă mă kơ mơnuih duăm ruă hăng pơgang tơlơi suaih pral kơ gơ`u pô, kơ sang ano\ ta hai tơdơi kơ ngă bruă giong glăi pơ sang ano\”.

Bơ nai ia jrao Vũ Năng Huyên-anom pơjrao khoa cấp cứu hăng djru tơlơi ruă arăt hơtai boh brơi thâo:

“Ngă lơphet rao tơngan djru kơ ta pơjing tơlơi juăt hiam, rao tơngan rơgoh na nao hlâo kơ ta kiăng ngă bruă hơge\t pơko\n dong, tơlơi anun djru kơ ta hơđong mơn laih anun djru kơ mơnuih duăm ruă ăt klă mơn”.

Laih pơplông anih pơjrao Khoa khăm jing anih pơkă lăng tơlơi duăm ruă hơmâo mă pri gah tơlơi ]ih pia djơ\ tơlơi thâo; pri mrô sa kơ tơlơi pơplông rao tơngan le\, anăn pơplông Yu\ soang rao tơngan, pri bơni kơ mơnuih rơgơi ngă bruă hơde] gah anom pơjrao khoa phẫu thuật gây mê hồi sức, anih bra] pơjrao mơnuih ruă. Ăt amăng tal anai mơn, sang ia jrao hơmâo k^ pơkôl hăng 35 boh anom pơjrao/ anih mă bruă amăng sang ia jrao ngă tui bruă rao tơngan 6 yak,  tui hăng ano\ pơtrun mơng Ding jum ia jrao.

Tơlơi pơplông rao tơngan rơgoh [u djơ\ kơnong jing anih ngui ngor hrăm tui tơlơi hơnâo kơhnăk đô] ôh, jing pơphun ngă mơak pran kơ [ing nai ia jrao tơdơi kơ mông mă bruă tơnap tap gleh glar, pơjrao mơnuih duăm ruă laih dong pơtrut tui tơlơi thâo hluh, ngă lu bruă, tơlơi thâo rao tơngan rơgoh, djru pơgang tơlơi rơnăk, be\ đuăi hăng kman tưp hyu duăm ruă lơm pơjrao tơlơi duăm ruă kơ mơnuih [on sang đih [ơi sang ia jrao.

Nay Jek : Pô ]ih hăng pôr