VOV4.Jarai - Kiăng kơ djru brơi mơnuih [on sang 4 boh plơi le\ plơi pla djru ngă hơkru\ [ơi să C|ư\ A Thai pơhro\ trun [un rin hơđong kjăp hăng jai hrơi hrư\n đ^ amăng tơlơi hơdip mơda, Jơnum min mơnuih [on sang tơring glông Phú Thiện, tơring c\ar Gialai hơmâo pơjing Ako\ bruă djru pơđ^ kyar tơlơi bơwih [ong huă – mơnuih mơnam [ơi 4 boh plơi rơwang tal II (2021-2024).

Tui anun, gong gai hăng gơnong bruă bơdjơ\ nao amra tuh pơ alin man pơkra anih anom hăng djru pơjeh phun pla, hlô rông, pơtô brơi neh met wa bơwih [ong huă tu\ yua, kiăng kơ hơmâo lu dong prăk pơhrui.

Tơdơi kơ ngă pơgiong rơwang tal I tui Ako\ bruă, truh ră anai, 4 boh plơi anun le\: plơi Pông, plơi Kinh Pêng, plơi Trớ, plơi Hek să C|ư\ A Thai, tơring glông Phú Thiện, tơring c\ar Gialai hơmâo pơhlôm ngă djơ\ hăng tơlơi pơkă.

Tui anun, tơring glông hơmâo ba đuăi, dưm dăp glăi 294 boh sang kơ 260 boh sang ano\ pơpha brơi lo\n 600 m2 r^m boh sang, kiăng kơ plơi pla agaih rơnak tui hơnong pơkă plơi pla phrâo.

Samơ\ kiăng kơ to\ tui djru brơi mơnuih [on sang pơklaih mơng [un rin hăng hrưn đ^ amăng tơlơi hơdip mơda, tơring glông Phú Thiện to\ tui pơjing Ako\ bruă djru pơđ^ kyar tơlơi bơwih [ong huă- mơnuih mơnam [ơi 4 boh plơi rơwang tal II (2021-2024).

Jơlan nao rai amăng plơi Pông să C|ư\ A Thai

Hơnong pơkă mơng Ako\ bruă anai le\ djru mơnuih [on sang pơplih glăi tơlơi bơwih [ong huă, ngă hmua mă yua boh thâo phrâo, rông hlô mơnong anăp nao s^ mơdrô nua yôm kiăng kơ hơmâo lu dong prăk pơhrui.

Ră anai, 4 boh plơi hơmâo 404 boh sang ano\ (amăng anun 345 boh sang ano\ le\ djuai ania [iă). Mrô sang ano\ [un rin truh pơ 26,9%, sang ano\ giăm [un rin hơmâo 3,2% hăng prăk pơhrui r^m ako\ mơnuih dưm dưm 13 klăk 500 rơbâo prăk ha thun.

Anai le\ 4 boh plơi tơnap tap hloh [ơi să C|ư\ A Thai, tơring glông Phú Thiện, tơring c\ar Gialai; lo\n mơnai jum dar le\ krêng krơng, tơnap amăng bruă ngă hmua hăng mơnuih [on sang [u thâo phe pho amăng bruă bơwih [ong. Đơ đam kual anai hơmâo giăm 472 ektar lo\n ngă hmua.

Ơi Nay Yang do\ [ơi plơi Pông c\ang rơmang: Kơnuk kơna kiăng djru brơi pơjeh pơdai, pơjeh plum dưi pơgang hu\i hlăt pơc\răm ngă kơ`^ hla, kmơk hăng pơtô brơi boh thâo ngă hmua brơi neh met wa kiăng pơđ^ kyar tơlơi bơwih [ong huă.

Lơ\m anun, ơi Đinh Chích ăt do\ [ơi plơi Pông mơn brơi thâo: Sang ano\ hơmâo 5 ar hmua pơdai hăng kơdư, 2 ektar hmua pla tơbâo hăng 15 drơi rơmô. Samơ\ yua [u thâo bơwih [ong khă anun prăk pơhrui r^m thun [u hmâo.

Yua anun, [ing gơmơi c\ang rơmang arăng amra djru brơi pơjeh, c\râo ba amăng bruă pla pơjing, thâo pơgang phun pla hu\i hlăt mo\t pơc\răm kiăng kơ pơhrui glăi hmâo hmăi.

Ơi Phùng Trung Toàn – Khua jơnum min mơnuih [on sang să C|ư\ A Thai, tơring glông Phú Thiện, tơring c\ar Gialai brơi thâo: Truh ră anai, abih bang sang ano\ [ơi 4 boh plơi djru ngă hơkru\ hơmâo dưm dăp glăi hiam, hơmâo pơga, amăng jang, drông war rông hlô mơnong hơmâo pơkra ataih mơng sang do\ hăng r^m boh sang ano\ lêng hơmâo anih pla a`ăm tam, phun kyâo boh troh.

Laih dong, apui lơtrik, jơlan glông, ia bơmun hơdjă, sang drông hơmâo tuh pơ alin man pơkra giong. Samơ\, tơlơi hơdip kơ mơnuih [on sang ăt do\ tơnap tap, mrô sang ano\ [un rin hăng giăm [un rin do\ lu pơhmu hăng kual pơko\n. Bruă bơwih [ong huă ngă đang hmua do\ tui sô hơđăp.

Ơi Toàn lăi pơto\ng: amăng rơwang tal II Ako\ bruă amra đing nao djru mơnuih [on sang pơđ^ kyar tơlơi bơwih [ong huă. Kiăng dưi ngă djơ\ tơlơi anai, hro\m hăng tơlơi gum djru mơng Kơnuk kơna ăt kiăng hơmâo tơlơi gir run mơng mơnuih [on sang dong mơn.

Jơnum min mơnuih [on sang să hơmâo gum hro\m hăng gơnong bruă ngă hmua hăng pơđ^ kyar [on lan pel e\p tơlơi gal mơng lo\n mơnai kiăng pok pơhai hơdôm hơbô| bruă bơwih [ong huă djru brơi neh met wa tu\ mă hơdôm boh thâo phrâo, pơplih phun pla, hlô rông.

Hro\m hăng anun, să to\ tui ngă gal brơi mơnuih [on sang amu` c\an prăk hăng mă yua prăk c\an tu\ yua kiăng pơđ^ kyar tơlơi bơwih [ong huă.

Tui hăng Ako\ bruă pơđ^ kyar tơlơi bơwih [ong huă-mơnuih mơnam rơwang tal II, gong gai [on lan amra djru brơi pơjeh pơdai tơju\ hăng kơdư hăng giăm 250 ektar; pơjing lu hơbô| bruă: Pla boh pơ-ô| Úc, boh rơmah giăm 20 ektar, pla boh `ông cao sản giăm 9 ektar;

Mơnuih [on sang plơi Pông rơkâo tơlơi gum djru kiăng pơđ^ kyar tơlơi bơwih [ong huă

Laih dong djru pơjeh phun plum cao sản dưi pơgang hu\i hlăt mo\t pơc\răm giăm 194 ektar; djru 122 drơi rơmô brơi sang ano\ [un rin hăng giăm [un rin; djru brơi r^m boh sang ano\ [un rin hăng giăm [un rin 10 drơi mơnu\ kiăng pơđ^ kyar bruă rông hlô mơnong.

Laih dong, pơtrut pơsur, mă yua ha wo\t lu rơnoh prăk, jơlan hơdră kiăng tuh pơ alin pơđ^ kyar tơlơi bơwih [ong huă – mơnuih mơnam pơlir hăng man pơdong plơi pla phrâo; gơnang nao c\an prăk djru mă kmlai [iă.

Ơi Mai Ngọc Quý – Kơ-iăng Anom bruă ngă hmua hăng pơđ^ kyar [on lan tơring glông Phú Thiện, tơring c\ar Gialai brơi thâo: Amăng rơwang tal I, tơring glông hơmâo pok pơhai 4 hơbô| bruă ngă hmua anun le\: pla tơbâo 87 ektar hơmâo 78 boh sang ano\ mơnuih djuai ania [iă mut hro\m;

Pla 8,6 ektar phun `ông pơtlep than hơmâo 11 boh sang ano\ mut hro\m; pla 2 ektar phun plum hơmâo 1 boh sang ano\ mut hro\m; pla 20 ektar hmua pơdai hăng kơdư hơmâo 21 boh sang ano\ mut hro\m.

Blung hlâo, mơnuih [on sang hơmâo pơplih tơlơi pơm^n amăng ngă hmua, khin hơtai pơplih phun pla, hrưn đ^ prăk pơhrui amăng lo\n hmua hơđăp.

Ơi Quý lăi pơtong: Pơ anăp anai, tơring glông pơ[ut djop mơta kiăng djru brơi mơnuih [on sang pơplih bruă ngă hmua brơi tu\ yua hơdai nao pla phun kyâo lăp djơ\ dong. Amăng anun, pơsit hơdôm phun pla klă hloh anun le\: tơju\ pơdai dưi yuă hơpuă hmâo hmăi, pơjeh plum cao sản, boh `ông, boh pơ-ô| Úc, boh rơmah.

Laih dong, hơdră tuh pơ alin, pơkôl blơi gơnam tam mơng mơnuih [on sang. Tơring glông pơkă truh thun 2024, 4 boh plơi djru ngă hơkru\ amra jing plơi pla phrâo.

Siu Đoan: Pơblang hăng pôr