Amăng hơdôm hrơi anai, đơ đam tơring čar Dak Lak hơmâo 78/151 boh să đĭ plơi pla phrâo, 5 boh să đĭ plơi pla phrâo tui kru hle, 1 anih gưl tơring glông (Buôn Ma Thuột) pơgiong bruă man pơdong plơi pla phrâo. Hơnong pơkă truh abih thun 2025, Dak Lak hơmâo 100/151 boh să, 4 boh tơring glông đĭ plơi pla phrâo…Kiăng pơgiong hơnong pơkă 100 boh să plơi pla phrâo amăng thun 2025, Dak Lak tŏ tui hrưn đĭ dong tơlơi pơmĭn, tơlơi gơgrong mơng gưl Ping gah, gong gai djop gưl hăng djop anih anom kơđi čar amăng man pơdong plơi pla phrâo; hrưn đĭ klă dong amăng pơplông “Dak Lak gum tơngan hrŏm man pơdong plơi pla phrâo” rơwang thun 2021-2025; tŏ tui kơsem min, pel ĕp, pơgiong hơdră djru man pơdong plơi pla phrâo; hmao tlôn pơsir hĭ tơnap tap, gun găn, pơtrut ngă tañ, ba glăi tŭ yua hơdôm jơlan hơdră.