VOV4.Jarai - Să Hòa Thuận, plơi prong Buôn Ma Thuột, tơring čar Dak Lăk hơmâo ngă lơphet čơkă mă hră pơsit să plơi pla phrâo pơđĭ tui hloh. Anai jing să blung a mơng Dak Lăk dưi ngă bruă anai. tơdơi kơ giăm 7 thun man pơdong să plơi pla phrâo pơđĭ tui, plơi pla să Hòa Thuận hơmâo lu tơlơi pơplih phrâo, anih anom, sang dŏ, jơlan nao rai hiam tui mơn, tơlơi hơdip mơnuih ƀon sang pơplih phrâo hăng pơđĭ tui hloh. Thun 2021, prăk pơhrui yap tui akŏ mơnuih mơng să hơmâo rơbêh 48 klăk prăk.

Khua mua să Hòa Thuận mă hră pơsit să plơi pla phrâo pơđĭ tui hloh.

Mrô sang anŏ rin dŏ glăi yŭ 1%. Bruă să Hoà Thuận jing să blung a mơng tơring čar Dak Lăk hơmâo Jơnum min mơnuih ƀon sang tơring čar pơsit anăn plơi pla phrâo pơđĭ tui ƀu kơnong jing tơlơi pơư pơ-ang prong mơng Ping gah, gong gai hăng mơnuih ƀon sang amăng să đôč ôh mơ̆, anai jing tơlơi yôm phun ngă atur kiăng plơi prong pok prong ngă truh kih hơdôm bruă man pơdong plơi pla phrâo dŏ glăi ƀơi să plơi pla phrâo pơđĭ tui hloh mơng plơi prong amăng hơdôm thun pơ anăp.

Siu H’Mai: Pơblang