Anai jing boh than hmư̆ hing, hơmâo lăi pơthâo ƀơi mông Jơnum tum pơƀut 3 thun ngă tui Jơlan hơdră dêh čar man pơdong plơi pla phrâo thun 2021-2025 tơring čar Dak Nông pơphun brơi tom brơi (lơ 28/9). Yap truh blan 9/2023, tơring čar Dak Nông hơmâo 36/60 boh să plơi pla phrâo, đĭ 7 boh să pơhmu hăng thun 2020, amăng anun hơmâo 1 boh să plơi pla phrâo tui hơnong pơkă phrâo, hơmâo 80% akŏ bruă ba tơbiă hơmâo 43 boh să amăng thun 2025.

Yap mrô tong krah amăng tơring čar dưi ngă giăm 17 hơnong pơkă, ƀu hơmâo să pơpă ôh yŭ kơ 10 hơnong pơkă. Jơlan hơdră dêh čar man pơdong plơi pla phrâo hơmâo pơsit ba glăi boh tŭ yua prong kơ tơring čar Dak Nông. Mơ̆ng anun pơtrut tañ hloh rơnoh đĭ kyar bơwih ƀong huă mơnuih mơnam, hrŏ trun ƀun rin, amăng ƀrư̆ ba tơring čar Dak Nông tañ jing tơring čar đĭ kyar mơ̆ng kual Dap Kơdư tui hăng tơlơi gơñăm kiăng ngă mơ̆ng Jơnum ruah khua Ping gah tơring čar tal 12 ba tơbiă.